5:443  DE  LA  CENE.  recevans  et  aoceptans  les  promesses  qui  nous  sont  donnees  de  luy  pour  certaines  et  asseurees;  renonceans,  d'autrepart,  a  toute  fiance  contraire,  a  fin  que  en  nous  deffiant  de  nous  et  de  toutes  creatures,  nous  reposions  *)  plainement  en  luy,  et  nous  contentions  de  sa  seule  grace.  Or,  pource  que  cela  ne  peut  estre,  que  nous  ne  cognoissions  la  necessite  que  nous  avons  qu'il  nous  sub  viene,  il  est  mestier  que  nous  soyons  aussi  touchez  vivement  au  dedans  du  cueur  [pag.  28]  d'un  vray  sentiment  de  nostre  misere,  lequel  nous  face  avoir  faim  et  soif  de  luy.  Et  de  faict,  quelle  moequerie  seroifc-ce  de  venir  cercher  la  viande  sans  appetit?  Or,  pour  avoir  bon  appetit,  il  ne  suffit  pas  que  l'estomach  soit  vuide:  mais  il  est  requis  qu'il  soit  bien  dispose,  et  capable  de  recevoir  sa  nourriture.  De  cela  doncq  il  s'ensuit  que  noz  ames  doivent  estre  pressees  de  famine,  et  avoir  un  desir  et  zele  ardent  d'estre  repeues,  pour  bien  trouver  leur  nourriture  en  la  Cene  du  Seigneur.  D'avantaige,  il  est  a  noter  que  nous  ne  povons  desirer  Iesus  Christ  sans  aspirer  a  la  iustice  de  Dieu,  laquelle  gist  en  Pabnegation  de  nous  mesmes,  et  obeissance  de  sa  volunte.  Car  il  n'y  a  ordre  que  nous  pretendions  d'estre  du  corps  de  Christ,  nous  abandonnant  a  toute  licence,  et  menant  une  vie  dissolue.  Puis  qu'en  Christ  il  n'y  a  que  chastete,  benignite,  sobriete,  verite,  humilite,  et  toutes  telles  vertus:  si  nous  voulions  estre  ses  membres,  il  fault  que  toute  paillardise,  haultesse,  intemperance,  [pag.  29]  mensonge,  orgueil  et  semblables  vices  soient  loing  de  nous.  Car  nous  ne  povons  mesler  ces  choses  avec  luy,  sans  luy  faire  grand  deshonneur  et  opprobre.  Il  nous  doibt  tousiours  souvenir  qu'il  n'y  a  non  plus  de  convenance  entre  luy  et  iniquite,  qu'entre  la  clarte  et  les  tenebres.  Voy-la  doncq  comme  nous  y  viendrons  en  vraye  repentance,  si  nous  tendons  a  cela,  que  nostre  vie  soit  faicte  conforme  a  l'exemple  de  Iesus  Christ.  Toutesfoys,  combien  que  cela  soit  general  en  toutes  les  parties  de  nostre  vie,  si  a-il  specialement  lieu  en  charite,  comme  elle  nous  est  sur  tout  recommandee  en  ce  Sacrement;  pour  laquelle  raison  il  est  nomme  le  lien  d'icelle.  Car  comme  le  pain  qui  est  la  sanctifie  pour  l'usage  commun  de  nous  tous,  est  faict  de  plusieurs  grains  tellement  meslez  ensemble,  qu'on  ne  scauroit  discerner  l'un  de  l'autre,  ainsi  devons  nous  estre  unis  entre  nous  d'une  amitie  indissoluble.  Et  qui  plus  est,  nous  recevons  la  tout  un  mesme  [pag.  30]  corps  de  Christ,  a  fin  d'en  estre  faictz  membres.  Si  nous  avons  doncq  dissentions  et  disoords  ensemble,  il  ne  tient  pas  a  nous  que  Iesus  Christ  ne  soit  descire  par  pieces:  et  serons  coulpables  d'un  mesme  sacrilege,  comme  si  nous  l'avions  faict.  Il  ne  fault  pas  doncq  que  nous  presumions  1)  nous  nous  reposions,  1549  ss.