37:443  443  IN  ISAIAM  444  patronum,  cuius  severus  erit  ultor.  Illi  gaudio  fruentur  et  consolatione  :  hi  vero  pudore  suffundentur:  nam  sentient  propediem  iudicium  Dei  quod  nunc  rident.  6.  (Vox  tumultus.)  Confirmat  superiorem  sententiam:  nempe  non  frustra  minatum  esse  Deum  hypocritis  se  brevi  adfore  vindicem,  quo  pii  cupidius  exspectent  quod  de  laetitia  promissum  est.  Quosnam  vero  hostes  designet  dubium  est:  potest  enim  hic  locus  exponi  de  Babyloniis,  quorum  clades  fuit  ecclesiae  suae  redemptio  :  potest  etiam  de  aliis  hostibus  qui  in  ecclesiae  gremio  fovebantur.  Atque  huc  ego  magis  inclino,  tametsi  non  nego  posse  de  quovis  hostium  genere  accipi.  Sed  respicit  domesticos  hostes  de  quibus  hactenus  loquutus  erat,  qui  vocem  Dei  assidue  personantem  in  ore  prophetarum  respuebant.  Denuntiat  ergo  futurum  brevi  ut  aliam  vocem  atque  horribiliorem  audiant.  Sed  continuo  post  sequitur  mitigatio,  ne  idem  terror  pios  Dei  servos  exanimet.  Summa  est,  frustra  gloriari  impios  suamque  proterviam  opponere  Dei  iudiciis,  quia  eius  manum  minime  effugient:  imo  ex  templo,  quod  illis  perversae  confidentiae  latibulum  erat,  prodituram  eius  vocem,  pios  vero  patientiae  suae  fructum  tunc  capturos.  Utinam  hodie  similem  contemptum  non  experiremur  in  hypocritis,  qui  omnes  monitiones  et  minas  parvi  pendunt,  neque  verbo  Dei  honorem  habent.  His  ergo,  pro  placida  et  leni  voce  quam  nunc  audiunt,  vocem  tumultuosam  denuntiare  cogimur,  quam  aliquando  ab  aliis  longe  dissimilibus  magistris  audient.  Nam  quum  sacrilego  contemptu  mundus  respuat  verbum  Dei,  armatam  vocem,  hoc  est,  flammas  et  caedes  non  tantum  audire,  sed  etiam  experiri  cogetur.  7.  (Antequam)  Quum  prius  consolatus  sit  pios  Dominus,  ne  fratrum  arrogantia  et  despicientia  moverentur  quos  tandem  ulturus  erat,  atque  ita  firmo  et  constanti  animo  adventum  Domini  exspectare  iusserit:  simul  addit  se  ita  ulturum  illos  ut  in  eorum  interitu  piorum  saluti  consulat.  Nec  de  uno  tantum  aut  altero  homine  loquitur,  sed  de  tota  ecclesia,  quam  mulieri  comparat:  atque  ea  similitudine  iam  aliquoties  usus  est.  Hoc  enim  agit  potissimum  Deus  ut  nos  in  unum  corpus  colligat,  in  quo  habeamus  testimonium  adoptionis  nostrae,  eumque  agnoscamus  patrem,  atque  in  ecclesiae  velut  matris  nostrae  utero  foveamur.  Est  igitur  admodum  propria  haec  matris  similitudo.  Significat  sic  restituendam  esse  ecclesiam  ut  magnam  et  copiosam  sobolem  obtineat,  tametsi  ad  tempus  orba  sterilisque  videretur.  Atque  eam  repetit  sententiam  qua  iam  aliquoties  usus  est.  Sed  plus  quidem  exprimit:  nempe  subitum  et  inopinatum  fore  hoc  Dei  opus.  Revocat  enim  pios  a  sensu  carnis,  ne  ex  suo  iudicio  restitutionem  ecclesiae  aestiment.  Mulieres  gerunt  uterum  per  decem  menses,  ac  tandem