9:442  Arripit  postea  triviale  ')  illud  convicium  :  Negare  nos  Christi  divinitatem,  verbum  EST  significative  aut  figurative  sumendo:  quoniam  idem  valebit  in  aliis  locis:  Tu  es  filius  meus  dilectus;  et:  Verbum  caro  factum  est.  Collectos  scilicet  ex  Saxonica2)  theologia  lapides  sine  magno  labore  in  nos  proiicit,  sed  quos  secure  contemnere  possumus  quia  caeco  impetu  alio  feruntur  neque  nos  attingunt.  Fixa  enim,  vel  crepantibus  istis  omnibus  furiosis,  manebit  generalis  regula:  In  omnibus  sacramentis  subesse  figuram  aut  tropum,  quoties  res  de  signo  praedicatur,  aut  signum  de  re.3)  Petra  erat  Christus,  an  substantialiter?  Si  aqua  baptismi  nostra  est  ablutio,  quid  sanguini  Christi  fiet?  Ergo  quum  panis  et  calix  sacrae  coenae  signa  sint,  colligitur  ex  perpetuo  scripturae  usu,  interpretatione  esse  opus  quae  minime  coacta  est,  sed  sponte  sano  lectori  occurrit.  Atqui  Iohannes,  si  putasset  tropum  subesse,  id  plane  explicuisset:  quod  non  fecit.  Quid,  bestia?  An  apud  Iohannem  ulla  fuit  coenae  mentio?  Fateor  quidem  coenam  nihil  aliud  esse  quam  speculum,  in  quo  repraesentatur  quidquid  continet  nobilis  illa  concio  quam  refert  Iohannes  6.  capite:  atque  inde  stuporem  tuum  coarguo.  Nam  si  [pag.  33]  panem  vitae  se  vocans,  et  carnem  suam  cibum,  et  sanguinem  potum,  non  nisi  per  similitudinem  loquitur,  cur  non  eadem  quoque  similitudo  in  coenae  exstabit?  Caro  Christi  vere  est  panis  vivificus:  nec  tamen  sic  vocatur  absque  figura.  Quum  idem  interposito  signo  repetit  et  confirmat  Christus,  an  consentaneum  erit  figuram  excludere,  quae  magis  hac  in  parte  ad  demonstrandam  externi  signi  rationem  necessaria  est?  Verum  ut  bardum  hominem  nihil  pudet,  fortiter  contendit  in  illa  concione  proprie  et  literaliter  sumi  quidquid  dicitur.  Cur  autem  ei  non  venit  in  mentem  ex  Augustino4)  interpretationem  petere?  Atque  ut  ubique  eius  ineptiae  appareant,  in  locum  verborum  Christi  :  Hic  calix  est  sanguis  meus,  ex  suo  missali  substituit:  Hic6)  est  enim.  Credatur  nunc  catholicae  fidei  defensor,  cui  missale  est  evangelium.  Quod  Lutheri  verbis  iterum  nos  oppugnat,  non  anxie  in  refutatione  laboro  :  quia  iniquum  esset  inconsiderato  Lutheri  fervore6)  obrui  bonam  causam.  Hyperbolica  vero  clausula,  ubi  dicit  nucleum  Christianitatis  esse  in  papatu,  ingenue  a  Luthero  retractaretur,  si  hodie  viveret.  Cur  enim  ei  non  licuerit  triginta  et  tribus  annis  in  melius  proficere?  1)  dont  quelques  belistres  nous  ont  diffamez.  2)  des  Saxons  qui  valent  autant  que  pierreux.  3)  Add.  mais  que  c'est  transposition  de  nom  qu'il  faut  exposer.  4)  Tract,  in  Ioann.  26  et  27.  Lib.  3  de  doctrina  christiana  cap  16.  5)  Libri  gallici  haec  verba  latine  exhibent  sic  enunciata:  Hoc  est  enim.  6)  de  cest  homme  qui  a  este  un  peu  trop  excessif  en  ses  passions.