7:442  recuperare,  sine  sacramento  poenitentiae:  et  prout  sancta  Romana  et  universalis  Ecclesia,  a  Christo  Domino  et  eius  Apostolis  edocta,  hucusque  professa  est,  servavit,  et  docuit:  Anathema  sit.  XXX.  Si  quis,  post  acceptam  iustificationis  gratiam,  cuilibet  peccatori  poenitenti,  ita  culpam  remitti,  aut  reatum  aeternae  [pag.  164]  poenae  deleri  dixerit,  ut  nullus  remaneat  reatus  poenae  temporalis  exsolvendae,  vel  in  hoc  saeculo  vel  in  futuro,  in  purgatorio,  antequam  ad  regna  coelorum  aditus  patere  possit:  Anathema  sit  XXXI.  Si  quis  dixerit:  Iustificatum  peccare,  dum  intuitu  aeternae  mercedis  operatur  bene:  Anathema  sit  XXXII.  Si  quis  dixerit:  Hominis  iustificati  bona  opera  ita  esse  dona  Dei,  ut  non  sint  etiam  bona  ipsius  iustificati  merita:  aut  ipsum  iustificatum  bonis  operibus,  quae  ab  eo,  per  Dei  gratiam  et  Iesu  Christi  meritum,  cuius  vivum  membrum  est,  fiunt,  non  vere  mereri  augmentum  gratiae  in  vitaml)  aeternam,  et  ipsius  vitae  aeternae,  si  tamen  in  gratia  decesserint,  consequutionem,  atque  gloriae  etiam  augmentum:  Anathema  sit  XXXIII.  Si  quis  dixerit:  Hanc  doctrinam  catholicam  de  iustificatione,  a  sancta  Synodo,  hoc  praesenti  Decreto  expressam,  aliqua  ex  parte  gloriae  Dei,  vel  meritis  Iesu  Christi  Domini  [pag.  165]  nostri  derogare,  et  non  potius  per  eam  veritatem  fidei  nostrae,  Dei  denique,  ac  Christi  Iesu  gloriam  illustrari:  Anathema  sit.  2)  IN  SEXTAM  SESSIONEM.  Doctrina  de  hominis  iustificatione  facilis  esset  explicatu,  nisi  falsae  opiniones,  quibus  praeoccupati  sunt  hominum  animi,  tenebras  clarae  luci  obducerent.  Haec  autem  praecipua  obscuritatis  causa,  quod  aegerrime  adducimur,  ut  uni  Deo  in  solidum  relinquamus  iustitiae  gloriam.  Cupimus  enim  semper  aliquid  esse:  et  quae  nostra  stultitia  est,  etiam  nobis  videmur.  Eiusmodi  superbia,  sicut  ab  initio  ingenita  fuit  hominibus,  ita  Satanae  ianuam  aperuit,  ad  eos  multis  impiis  pravisque  persuasionibus  imbuendos,  quibuscum  hodie  nobis  luctandum  est.  Et  exstiterunt  saeculis  omnibus  sophistae,  qui  in  extollenda  hominum  iustitia,  quod  sciebant  fore  plausibile,  stylum  exercerent.  Posteaquam  singulari  Dei  beneficio  factum  est  ut  communi  veteris  ecclesiae  consensu  Pelagii  impietas  repudiaretur,  non  tam  proterve  amplius  de  hominum  [pag.  166]  meritis  garrire  aussi  sunt;  mediam  tamen  viam  excogita-  1)  Edd.  nisi  ex  speciali  Dei  pr.  2)  Edd.  autem.  runt,  ut  in  homine  iustificando  neque  totum  Deo,  neque  nihil  darent.  Haec  moderatio  est,  quam  tenent  venerandi  patres,  ad  errores  corrigendos,  quos  de  iustificatione  hominis  nostra  aetate  exortos  esse  dicunt.  Sic  quidem  praefantur,  ut  initio  nihil  spirent  praeter  Christum:  sed  quum  ad  rem  ventum  est,  multum  abest,  quin  illi  relinquant  quod  suum  est.  Imo,  nibil  tandem  aliud  continet  eorum  definitio,  quam  tritum  illud  scholarum  dogma:  partim  gratia  Dei,  partim  operibus  propriis  iustificari  homines:  ut  aliquanto  se  magis  verecundos  ostendant,  quam  fuerit  Pelagius.  Quod  ex  re  ipsa  iudicare,  promptum  erit.  Nam  capite  secundo,  ubi  de  peccato  originali  disserunt,  liberum  arbitrium  pronunciant  viribus  1)  gratiae,  vitam.  2)  Sic  Beza  textum  constituit.  In  edit.  principe  et  ap.  Gallasium  legebatur:  Hanc  doctrinam  .  .  .  .  derogari  et  non  potius  Teritatem  .  .  .  .  illustrari.  In  Actis  ap.  Streitwolfium.  Per  hanc  doctrinam  .  .  ,  .  derogari  et  non  potius  veritatem  .  .  .  .  illustrari.