6:442  guage.  Et  premierement,  ilz  se  sont  advisez  du  calice  ou  il  beut  la  poison,  estant  condamne  par  Domitian.  Mais  pource  que  deux  l'ont  voulu  avoir,  ou  il  nous  faut  croire  ce  que  disent  les  alchumistes  de  leur  multiplication,  ou  ceux  cy  avec  leur  calice,  se  sont  moquez  du  monde.  L'un  est  a  Boulongne,  *)  et  l'autre  a  Rome,  a  sainct  Iehan  de  Latran.  Ilz  ont  puis  apres  controuve  son  hoqueton,  et  [page  85]  une  chakne  dont  il  estoit  lie,  quand  on  l'amena  prisonnier  d'Ephese;  avec  l'oratoire  ou  il  souloit  prier  estant  en  la  prison.  Ie  voudroys  bien  savoir  s'il  avoit  lors  des  menusiers  a  louage  pour  luy  faire  des  oratoires.  Item,  quelle  familiarite  avoyent  les  Chrestiens  avec  sa  garde,  pour  retirer  la  chaisne  et  en  faire  une  relique?  Ces  moqueries  sont  trop  sottes,  et  fust  ce  pour  abuser  les  petis  enfans.  Mais  le  ioyau  le  plus  ferial  est  des  douze  peignes  des  Apostres,  qu'on  monstre  a  nostre  Dame  de  l'Isle,  sus  Lyon.  Ie  pense  bien  qu'ilz  ont  este  du  commencement  la  mis,  pour  faire  a  croire  qu'ilz  estoyent  aux  douze  Pers  de  France;  mais  depuis,  leur  dignite  s'est  acreue,  et  sont  devenuz  apostoliques.  Il  nous  faut  d'oresnavant  depescher,  ou  autrement  iamais  nous  ne  sortirions  de  ceste  forest.  Nous  reciterons  donc  en  brief  les  reliques  qu'on  a  des  Sainctz  qui  ont  este  du  temps  que  nostre  Seigneur  Iesus  Christ  vivoit;  puis,  consequemment,  des  Martyrs  anciens  [page  86]  et  des  autres  Sainctz.  Sur  cela  les  lecteurs  auront  a  iuger  quelle  estime  ilz  en  devront  avoir.  Saincte  Anne,  mere  de  la  vierge  Marie,  a  l'un  de  ses  corps  a  Apt  en  Provence,  l'autre  a  nostre  Dame  de  l'Isle,  a  Lyon;  outre  cela,  elle  a  une  teste  a  Trier,  l'autre  a  Turen  en  Iullet,2)  l'autre  en  Turinge,  en  une  ville  nommee  de  son  nom.  Ie  laisse  les  pieces  qui  sont  en  plus  de  cent  lieux;  et  entre  autres  il  me  souvient  que  i'en  ay  baise  une  partie  en  PAbbaye  d'Orcamps,  pres  Noyon,  dont  on  faict  grand  festin.  Finalement,  elle  a  un  de  ses  bras  a  Rome,  en  l'eglise  sainct  Paul.  Qu'on  prenne  fondement  la  dessus  si  on  peut.  Il  y  a  puis  apres  le  Lazare,  et  la  Magdaleine  sa  soeur.  Touchant  de  luy,  il  n'a  que  troys  corps,  que  ie  sache  :  l'un  est  a  Marseille,  l'autre  a  Authun,  le  troysiesme  a  Avalon.  Il  est  vray  que  ceux  d'Authun  en  ont  eu  gros  proces  a  lencontre  de  ceux  d'Avalon;  mais  apres  avoir  beaucoup  despendu  d'argent  d'un  coste  et  d'autre,  ilz  ont  tous  deux  gaigne  leur  cause:  pour  le  moins,  [page  87]  ilz  sont  demeurez  en  possession  du  tiltre.  Pource  que  la  Magdaleine  estoit  femme,  il  falloit  qu'elle  1)  Bononiae  G.  2)  Tureni  apud  Iuliacenses  G,