5:442  neur,  ce  n'est  pas  petite  faulte  de  le  prendre  inconsiderement,  et  sans  estre  bien  prepare.  Pourtant  il  nous  exhorte  de  nous  bien  esprouver  pour  en  user  comme  il  appartient.  Quand  nous  entendrons  [pag.  25]  quel  doibt  estre  cest  examen,  nous  scaurons  quehest  cest  usage  que  nous  cerchons.  Or,  il  nous  fault  icy  bien  contregarder.  Car,  comme  nous  ne  povons  mettre  trop  grande  diligence  a  nous  examiner,  selon  que  le  Seigneur  ordonne:  aussi,  d'autrepart,  les  docteurs  sophisticques  ont  mis  les  povres  consciences  en  perplexite  trop  perilleuse,  ou  plustost,  en  une  gehenne  horrible,  requerant  ie  ne  scay  quel  examen  dont  il  n'estoit  possible  de  venir  a  bout.  Pour  nous  depescher  de  tous  ces  troubles,  il  nous  fault  reduire  le  tout,  comme  i'ay  desia  dict,  a  l'ordonnance  du  Seigneur,  comme  a  la  reigle,  laquelle  ne  nous  laissera  point  faillir,  quand  nous  la  suivrons.  En  la  suivant,  nous  avons  a  esprouver  si  nous  avons  vraye  repentance  en  nous  mesmes,  et  vraye  foy  en  nostre  Seigneur  Iesus  Christ:  Qui  sont  deux  choses  tellement  conioinctes,  que  l'une  ne  peut  consister  sans  l'autre.  Car  si  nous  estimons  nostre  vie  estre  situee  en  Christ,  il  nous  [pag.  26]  fault  recongnoistre  que  nous  sommes  mortz  en  nous.  Si  nous  cerchons  en  luy  nostre  vertu,  il  fault  que  nous  entendions  que  nous  deffaillions  en  nous  mesmes.  Si  nous  estimons  toute  nostre  felicite  estre  en  sa  grace,  il  est  necessaire  que  nous  entendions  quelle  est  nostre  misere,  sans  icelle.  Si  nous  avons  en  luy  nostre  repos,  il  fault  qu'en  nous  mesmes  nous  ne  sentions  que  tourment  et  inquietude.  Or,  telle  affection  ne  peut  estre,  qu'elle  n'engendre  premierement  un  desplaisir  de  toute  nostre  vie:  puis  apres  une  solicitude  et  crainte,  finalement  un  desir  et  amour  de  iustice.  Car  celuy  qui  congnoit  la  turpitude  de  son  peche,  et  la  malheurete  de  son  estat  et  condition,  ce  pendant  qu'il  est  aliene  de  Dieu,  en  ha  telle  honte,  qu'il  est  contrainct  de  se  desplaire,  se  condamner,  gemir  et  souspirer  de  grande  tristesse.  D'avantaige,  le  Iugement  de  Dieu  se  presente  incontinent,  lequel  presse  la  conscience  pecheresse  de  merveilleuse  anxiete,  1)  d'autant  qu'elle  voit  qu'il  n'y  a  [pag.  27]  nul  moyen  d'eschaper,  et  n'a  que  respondre  pour  sa  defence.  Quand  avec  une  telle  recongnoissance  de  nostre  misere,  nous  povons  gouster  la  bonte  de  Dien,  lors  nous  desirons  de  reigler  nostre  vie  a  sa  volunte,  et  renoncer  a  toute  nostre  vie  precedente,  pour  estre  faictz  en  luy  nouvelles  creatures.  Si  nous  voulons  doncq  deuement  communiquer  a  la  sacree  Cene  du  Seigneur,  il  fault  que  nous  tenions  en  ferme  fiance  de  cueur  le  Seigneur  Iesus  pour  nostre  iustice  unicque,  vie  et  salut,  1)  La  premiere  edition  seule  met:  anxiete.  Dans  toutes  les  autres  (1542  ss.)  on  lit:  angoisse.