25:442  mosos  spiritus  :  unde  fortunam  plurimum  in  bello  pollere  confessi  sunt,  vel  prorsus  dominari:  et  de  panicis  terroribus  iactatum  proverbium:  vota  quoque  nuncupata  sunt  tam  Iovi  Statori,  quam  Pavori  :  sed  nunquam  serio  eorum  animis  insedit  haec  persuasio,  unumquemque  for  tem  esse,  prout  Deus  praesentem  animum  indiderit:  timidum  vero,  prout  deiecerit  eius  audaciam.  Divinitus  ergo  factum  esse  agnoscit  Rahab,  ut  terrore  perculsae  gentes  Chanaan  praeiudicio  quodam  se  ipsas  damnent,  ac  inde  colligit,  quod  ita  formidabiles  sint  filii  Israel,  praesagium  esse  victoriae,  quia  Deo  duce  militent.  Quod  autem  omnium  animi  conciderant  quasi  liquefacti,  et  tamen  obstinata  vaecordia  se  ad  resistendum  parabant:  inde  perspicitur  ubi  Dei  manu  fracti  et  contriti  iacent  impii,  non  tamen  subigi  ad  recipiendum  iugum:  sed  in  suo  pavore  et  anxietate  manere  indomabiles.  Atque  hic  notandum,  quomodo  in  communi  metu  differant  fideles  ab  incredulis  :  qua  etiam  in  parte  fidem  Rahab  perspicere  licet.  Timebat  enim  ipsa  non  secus  ac  unus  quilibet  e  populo.  Sed  dum  reputat  sibi  negotium  esse  cum  Deo,  statuit  non  aliud  sibi  esse  remedium,  quam  humiliter  et  placide  cedendo  malum  declinare:  quia  resistendo  nihil  proficiet.  Quid  autem  miseri  omnes  regionis  incolae?  Quamvis  pavore  examinati  iaceant,  non  tamen  frangitur  eorum  pervicacia,  quin  se  ad  conflictum  stimulent.  10.  Quomodo  siccaverit  Iehova.  Praecipuam  consternationis  causam  recenset,  quod  rumor  de  inauditis  ante  miraculis  sparsus  opinionem  indiderat  omnium  animis,  Deum  pro  Israelitis  bellare.  Neque  enim  dubium  erat,  quin  via  per  mare  rubrum  divinitus  patefacta  esset,  quando  aquae  nunquam  mutata  natura  coacervatae  essent  in  solidos  cumulos,  nisi  ita  iubente  Deo  naturae  autore.  Illa  igitur  elementi  conversio  palam  ostendit,  Deum  stare  a  parte  eius  gentis,  cui  siccum  transitum  per  aquas  et  abyssos  dederat.  Victoriae  quoque  contra  Og  et  Sihon,  ut  erant  insignes,  merito  censeri  debuerant  testimonia  eiusdem  erga  Israelitas  favoris.  Quanquam  hoc  posterius  membrum  coniectura  duntaxat  subnixum  fuit:  in  transitu  vero  maris  probatio  plena  et  solida:  non  secus  ac  si  manum  e  coelo  Deus  extendisset.  Persuasio  igitur  occupavit  omnium  animos,  Deum  in  populi  israelitici  expeditione  praecipuum  esse  ducem:  unde  pavor  et  consternatio.  Atqui  simul  probabile  est,  falsa  imaginatione  deceptos  esse,  ac  si  Deus  Israel  in  certamine  superior  fuisset  diis  Aegypti:  sicuti  poetae  fingunt,  prout  quisque  Deus  in  patrocinium  suum  hanc  vel  illam  gentem  recepit,  cum  aliis  bellare  atque  ita  inter  se  confligere  dum  singuli  tuentur  suos  clientes.  At  vero  fides  Rahab  altius  transscendit,  dum  soli  Deo  Israel  summam  potentiam  cum  aeternitate  adscribit.  Id  enim  continet  elogium  Iehovae.  Itaque  non