20:442  Sonst  haben  wir  durch  gute  glaubwiirdige  Ziigen  Befunden  das  zwey  Briider  schlechten  stands,  nachdem  sy  jn  einem  wynhuss  mit  dem  Perrino,  Wandel  vnnd  andern  vffrurschen  mittgnossen  zenajehtgessen  hattend  vnnsere  wachter  angryffen  thaten.  Wollicher  Brudern  der  dem  do  vnser  Syndicus  Begegnet  vnd  jme  den  gezucktnen  schwerdt  gefunden  einer  was.  Ouch  ist  wol  Bewaret  das  ein  Steyn  gegen  einem  fdrfarenden  mentschen  on  einichen  zanckh  durch  einen  der  Rottischen  gworffen  ward.  Do  nun  wir  sahend  dise  vngestumme  durch  denselben  dryen  angfangen  worden  zesyn,  ais  wir  sy  gfengklich  ergriffen  hattend,  Thaten  wir  die  Rechtshandlung  vss  jren  eignen  bekhandtnussen  vnd  Sag  der  Ziigen  beschliessen,  vnnd  habend  erfunden,  Erstlich  das  ettliche  tagen  vor  dem  vffrur  jnn  den  wirtzhusern  vyl  vnbezaltte  iirttynen4)  vnder  falschem  schyn  bezalt  worden  waren.  Item  das  alle  die  so  sy  an  sich  zogend  das  wortzeichen  hattend  zesagend  jr  fiirnemen  Langete  zu  Jennff  vnd  Gottes  eher.  Item  das  sy  das  volckh  zeerweckhen  die  Grosse  glockhen  luten  soltend  vnns  darnach  anzeclagen.  Item  darumb  das  jren  einer  vnser  Biichssen  vnd  munition  Purgesetzter  was,  thaten  sy  sich  dester  sterckher  vnd  gwaltiger  zesyn  berumen.  Item  wann  das  volckh  besamlet  ware  hattend  sy  gegen  vns  ais  hettend  wir  die  Statt  den  Frantzosen  verraten  ein  vfflauff  zethun  furgesetzt  Item  jm  selbigen  tag  des  vffrurs  hatt  gemeltter  Perryn  den  gedachtten  zweyen  Brudern  gesprochen,  Er  hette  ein  sicher  Ort  vsserthalb  vnnser  Piet  do  einer  der  jnn  der  Statt  ettwas  mysshandlet  hette  paldt  entrunnen  mochtte,  vnnd  wyter,  Es  ware  gut  das  man  anderschwenhar  fiinff  oder  vierhundert  knechten  die  Statt  wider  die  Frantzosen,  allwyl  die  gmeynd  jm  Rhat  versamlet  ware,  zebeschirmen  hette.  Item  jnn  derselbigen  nacht  huben  sich  ettliche  der  Bosshafftigen  von  jrem  nachtmal  vnd  von  einem  wirtzhuss  vnnd  zugend  zum  anndern,  do  dann  der  Perryn  Wandel  vnd  andere  Mitthater  versamlet  warend.  Darnach  pald  ais  sy  vsszugend  ward  durch  jren  einen  genant  Frantz  daniel  Bertellier  ein  Stein  einem  fiirfarenden  mentschen  der  jme  nutt  zeleyd  gethon  hatt  am  hais  geworffen,  vermeynt  jnn  zethod  gschlagen  han.  Darzu  hatt  derselbig  Bertellier  dry  oder  vier  tag  zeuoran  mitt  grossen  Gotteslesterungen  gesprochen,  Es  wurdendt  jn  kurtzen  tagen  vyl  kopff  zerbrochen  vnnd  zerschlagen,  wollichs  nun  ein  luter  zeychen  ist  das  sy  niitt  dan  getoss  suchttend.  4)  Urte,  Wirthseeche.