9:441  441  AD  PRAECENTOREM  LUGDUNENSEM.  442  tollatur  localis  praesentiae  et  immensitatis  figmentum.  Transsilit  deinde  ad  Missam:  quae  quoniam  histrionica  actio  et  simiae  aemulatio  a  Calvino  vocatur,  concludit  Christum  igitur  simiam  esse  et  histrionem,  ex  cuius  praecepto  corpus  conficitur.  Atrocissimum  crimen,  si  accedat  probatio.l)  Citat  verba:  Hoc  facite  in  mei  memoriam.  Nugabitur  ergo  cum  magistro  suo  Eccio  et  tota  cohorte,  Christum  dedisse  mandatum  sacrificandi.2)  Iussit  Christus  exemplo  suo  communicari  inter  fideles  panem  et  vinum.  Accipite,  inquit,  distribuite  inter  vos.  Quid  Papistae?  Primo  Christum  immolant:  deinde  populum  excommunicant  quotidie  ab  esu  panis.  Quod  si  quotannis  semel  panem3)  porrigant,  fraudant  altera  parte:  ac  si  nunquam  dictum  esset:  Bibite  ex  hoc  omnes.  Ubi  de  pane  sermo  habetur,  omissa  universali  nota,  contentus  fuit  Christus  simpliciter  ad  edendum  hortari.  Ubi  ad  calicem  ventum  est,  omnes  iubet  bibere,  [pag.  31J  Prohibitio  Gabrielicae  ecclesiae  4)  non  modo  integrum  coenae  usum  ad  dimidiam  partem  restringit,  sed  ex  professo  quod  cunctis  dederat  Christus,  nonnisi  ab  uno  deglutiri  patitur.5)  Quanquam  non  huc  solum  respexit  Calvinus,  sacrificos  papales  vocando  histriones  et  simias:  sed  innumeras  gesticulationes  summatim  complexus  est,  quibus  referta  est  missa.  Et  quid,  obsecro,  magis  histrionicum,  quam  in  illo  praeclaro  vestitu  decem  mysteria  fabricare:  fabulam  agere  nunc  motoriam,  nunc  statariam:  patenam  ventilare:  nunc  obvertere  tergum  populo,  nunc  faciem  momento  ostendere?  Sed  ineptus  sum,  qui  pueriles  istos  lusus  tanquam  aliud  serium  commemoro.  Iam  quia  Luthero  et  Zvinglio  pepercerit  Calvinus,  aliud  crimen  inuritur  a  Gabriele,  haereticos  ipsum  fovere,  quos  iubet  Christus  haberi  pro  ethnicis  et  publicanis.  Quasi  non  excipere  promptum  sit,  nec  haereticos  unquam  fuisse,  quamvis  aliqua  in  parte  lapsi  sint,  nec  in  ecclesiam  contumaces,  cui  fideliter,  nec  sine  uberrimo  fructu  servierunt.  Una  interim  facetia  tantopere  arrisit  homini  insulso,  ut  probabile  sit,  hac  fere  de  causa  praefationem  scripsisse,  ne  illa  intercideret  :  nempe  dum  Genevam*)  vocat  Gehennam:  quod  nomen  singulis  fere  paginis  iterat.  Et  quia  alicubi  non  observata  fuerat  tam  concinna  [pag.  32]  allusio  a  typographo,  inter  errata  sedulo  reposuit.  Neque  tamen  immerito  his  deliciis  captus  est,  quum  apud  rhetores  nulla  reperiatur  talis  figura.  1)  Add.  Mais  comment  s'en  acquitte-il?  2)  Add.  Or  l'opposite  se  voit  en  ce  que  .  .  .  .  3)  a  chacun  son  morceau.  4)  ceste  Eglise  masquee  dont  Gabriel  se  fait  advocat.  5)  Add.  car  il  n'y  a  que  le  prestre  qui  hume  et  esgoute  le  calice.  *)  Ludit  iste  in  nomine  multis  Gehenna  scripto.