54:441  441  SUR  L'EPITRE  A  TITE.  442  Et  mesmes  quand  nous  defaillons  en  cest  endroit,  nous  depravons  ce  qui  nous  devroit  estre  cognu  mesmes  de  nature,  encores  que  nous  n'eussions  ne  foy,  ne  religion,  ne  cognoissance  de  la  Loy  ni  de  l'Evangile.  Il  y  a  puis  apres  la  sobriete  et  attrempance,  qui  est  pour  nous  monstrer  que  si  nous  sommes  Chrestiens,  ce  n'est  pas  assez  de  nous  abstenir  d'iniures,  d'extorsions,  de  violences,  de  cruautez,  d'usures,  de  pillages,  et  de  rapines:  mais  qu'il  faut  aussi  que  nous  ayons  une  telle  modestie,  que  nous  ne  soyons  point  mondains,  ni  adonnez  a  toute  vanite,  comme  sont  ceux  qui  ne  demandent  que  de  se  monstrer  par  grandes  parades,  et  d'estre  prisez,  d'estre  braves,  et  regardez  de  loin.  Ceux  qui  auront  tous  ces  menus  fatras  en  la  teste,  monstrent  bien  que  le  monde  domine  encore  en  eux  par  trop,  et  qu'ils  sont  gens  dissolus  qui  ne  demandent  qu'a  gourmander  et  a  remplir  leur  ventre,  tant  s'en  faut  qu'ils  ayent  profite  en  l'eschole  de  Dieu,  qu'ils  ne  sont  pas  dignes  d'estre  recognus  du  nombre  des  hommes.  Car  s'il  y  avoit  quelque  honnestete,  ils  retiendroyent  cela.  *  Car  sont-ils  ainsi  intemperans  au  boire  et  au  manger?  ils  sont  aussi  dissolus  en  toute  leur  vie.  Et  puis  les  yvrongnes  sont  tellement  transportez  de  leur  sens,  qu'ils  se  tuent  d'euxmesmes,  comme  s'ils  se  vouloyent  coupper  la  gorge  :  quand  ils  vienent  a  table,  ils  s'y  mettent  comme  chiens,  et  s'en  levent  comme  pourceaux.  Car  ils  sont  intemperans  en  leur  boire  et  en  leur  manger,  en  sorte  qu'ils  se  rendent  du  tout  inutiles.  Quand  donc  il  n'y  a  nulle  raison  aux  hommes  au  boire  et  au  manger,  diront-ils  qu'ils  ayent  appris  d'estre  nourris  de  la  main  de  Dieu?  Car  les  Payens  doyvent  avoir  plus  d'honnestete  en  eux  (comme  desia  nous  avons  declare)  que  nature  les  conduit  a  cela.  Or  nous  avons  une  instruction  plus  parfaite,  et  qui  doit  bien  reprimer  nos  appetis  beaucoup  mieux:  c'est  que  nous  demandons  a  Dieu  nostre  pain  ordinaire,  que  nous  devons  tousiours  penser  qu'au  boire  et  au  manger  nous  recevons  tout  de  sa  main.  Et  si  nous  en  abusons  en  gourmandise  et  yvrongnerie,  n'est-ce  point  comme  effacer  son  image  en  nous?  Et  puis  ne  monstrons-nous  pas  que  nous  sommes  tellement  attachez  aux  choses  caduques  de  ce  monde,  que  nous  en  oublions  le  ciel?  Voila  donc  ce  que  nous  avons  a  retenir  de  ce  passage.  Et  puis  finalement,  quand  sainct  Paul  met  que  les  Evesques  soyent  iustes  et  saincts,  cognoissons  qu'en  general  il  faut  que  nous  ayons  ceste  droiture  et  equite,  de  rendre  a  chacun  ce  qui  luy  appartient:  ce  qui  ne  se  peut  faire  qu'en  se  gardant  de  toutes  fraudes  et  malices.  Que  donc  nous  ne  soyons  point  fins  pour  nostre  profit,  mais  que  nous  advisions  ce  qui  est  deu  a  chacun,  afin  de  nous  acquitter  de  nostre  devoir.  Or  avons-nous  ainsi  converse  entre  les  hommes  sans  aucun  malefice  ne  nuisance?  Ad-