5:441  DE  LA  CENE.  commandant  que  nous  annuncions  sa  mort,  iusques  a  ce  qu'il  vienne.  Si  c'est  doncq  une  chose  tant  requise  a  salut,  de  ne  point  mescognoistre  les  graces  que  Dieu  nous  a  faictes,  mais  les  reduire  diligemment  en  memoire  et  les  magnifier  envers  les  autres,  a  fin  de  nous  edifier  mutuellement:  en  cela  nous  voyons  une  aultre  singuliere  utilite  de  la  Cene,  qu'elle  nous  retire  d'ingratitude,  et  ne  permet  pas  que  nous  oublions  le  bien  que  nous  a  faict  le  Seigneur  Iesus  en  mourant  pour  nous:  mais  nous  induict  a  luy  rendre  action  de  grace,  et  quasi  par  confession  publique  protester  combien  nous  sommes  attenus  a  luy.  La  troisiesme  utilite  gist  en  ce  que  [pag.  23]  nous  y  avons  une  vehemente  exhortation  a  vivre  sainctement,  et  sur  tout  a  garder  charite  et  dilection  fraternelle  entre  nous.  Car  puis  que  la  nous  sommes  faictz  membres  de  Iesus  Christ,  estans  incorporez  en  luy,  et  unis  avec  luy,  comme  a  nostre  chef,  c'est  bien  raison  premierement  que  nous  soyons  faictz  conformes  a  sa  purete  et  innocence,  et  specialement  que  nous  ayons  ensemble  telle  charite  et  concorde  comme  doibvent  avoir  les  membres  d'un  mesme  corps.  Combien  que  pour  entendre  droictement  ceste  utilite  il  ne  fault  pas  estimer  que  nostre  Seigneur  seulement  nous  advertisse,  incite  et  enflambe  noz  cueurspar  le  signe  exterieur.  Car  le  principal  est  qu'il  besongne  en  nous  interieurement  par  son  sainct  Esprit,  a  fin  de  donner  efficace  a  son  ordonnance,  qu'il  a  destinee  a  cela  comme  instrument,  par  lequel  il  veult  faire  son  oeuvre  en  nous.  Parquoy,  entant  que  la  vertu  du  sainct  Esprit  est  conioincte  avec  les  Sacremens,  quand  on  les  recoit  [pag.  24]  deuement,  nous  avons  a  espererl)  un  bon  moyen  et  ayde  pour  nous  faire  croistre  et  proffiter  en  sainctete  de  vie,  et  singulierement  en  charite.  Venons  au  troisiesme  poinct  principal  que  nous  avons  propose  au  commencement  de  ce  traicte,  assavoir,  a  l'usaige  legitime,  qui  est  d'observer  reveremment  l'institution  du  Seigneur.2)  Car  quiconque  approche  de  ce  sainct  Sacrement3)  avec  mespris  ou  nonchalance,  ne  se  souciant  pas  beaucoup  de  suivre  ou  le  Seigneur  l'appelle,  il  en??abuse  perversement,  et  en  abusant  le  contamine.  Or,  polluer  et  contaminer  ce  que  Dieu  a  tant  sanctifie,  c'est  un  sacrilege  intolerable.  Ce  n'est  pas  doncq  sans  cause  que  sainct  Paul  denonce  une  si  grieve  condamnation  sus  tous  ceux  qui  le  prendront  indignement.  Car  s'il  n'y  a  rien  au  ciel  ne  en  la  terre  de  plus  grand  prix  et  dignite  que  le  corps  et  le  sang  du  Seig-  1)  nous  avons  Sa  esperer,  1541.  1542;  nous  en  avons  a  esperer,  1549  ss.  2)  La  premiere  edition  1541  met  simplement:  Venons  a  l'usaige  legitime  qui  est  d'observer,  etc.  3)  de  ce  Sacrement  1566  ss.;  adhoc  sacramentum  (Gall).