37:441  441  CAPUT  LXVI.  442  ex  verbo  ipsius  iudicandum  est.  Eligam:  hoc  est,  ita  discutiam  nebulas  quas  offundere  conantur,  ut  illusiones  eorum  pateant  et  conspicuae  sint  omnibus:  nunc  enim  videntur  absconditae,  sed  aliquando  in  medium  proferentur.  Summa  est,  quia  tantum  sibi  licentiae  sumpserant  Iudaei,  ut  quidquid  libitum  esset  praeferrent  Dei  mandatis,  fore  etiam  Deo  suas  vices,  ut  pro  arbitrio  omnes  eorum  fallacias  explicet.  Sub  voce  errorum  idem  repetit,  more  Hebraeis  usitato:  Efficiam  ut  intelligant  se  errasse,  atque  ut  errores  quos  sequuti  fuerint  in  eorum  capita  recidant.  Nihil  igitur  iis  subterfugia  aut  praetextus  ficti  proderunt  ad  confundendam  cum  mendacio  veritatem  et  velandas  superstitiones:  quia  Dominus  ea  probe  discernet.  {Quoniam  vocavi.)  Damnat  rursus  propheta  in  Iudaeis  obstinationem,  quod  se  a  Domino  corrigi  passi  non  sint.  Hoc  enim  tantum  remedium  superest  vitiis  nostris  corrigendis,  ut  Deum  loquentem  audiamus,  quum  nos  in.  viam  reducere  conatur.  Sed  quum  obstinamus  atque  induramus  animos,  malorum  omnium  extremum  est.  Quum  ergo  institutis  et  mandatis  Dei  homines  commenta  sua  praeferunt,  aperte  contemnunt  Deum  :  cuius  voluntati  se  submittere  debuerant,  praesertim  ubi  accedit  praefracti  animi  durities,  ut  piis  monitionibus  clausa  sit  ianua:  ac  frustra  obtendunt  displicere  Deo  non  posse  quod  ipsius  colendi  gratia  suscipiunt:  nam  quidquid  relicto  verbo  eligunt  ac  sequuntur  homines  Dominus  reiicit  atque  exsecratur.  Repetit  etiam  quod  ante  dixerat,  peccasse  Iudaeos  in  Dei  conspectu,  ac  si  eum  lacessere  propositum  fuisset.  Modum  tandem  adiungit,  quia  perverso  studio  expetiverint  quae  vetuerat  Deus.  Nec  vero  toties  perstringit  impiam  lasciviam,  qua  fraudant  homines  Deum  suo  iure  susque  deque  habentes  quid  probet.  5.  {Audite  verbum  Iehovae.)  Convertit  sermonem  suum  ad  veros  Dei  cultores,  atque  eis  promittit  quod  in  diris  illis  calamitatibus  vix  sperare  potuissent.  Eos  porro  nominatim  compellat,  quia  multi  eo  tempore  nomen  Dei  falso  iactabant.  Imo  promiscua  multitudine  relicta  seorsim  ad  paucos  dirigit  sermonem,  sicuti  capite  8  dictum  est:  Obsigna  legem,  liga  testimonium  inter  discipulos  meos.  Hac  autem  nota  veros  et  genuinos  Dei  filios  designat,  quod  ad  verbum  Domini  contremiscant  :  quae  rara  profecto  est  virtus.  Itaque  eam  opponit  falsae  professioni  eorum  qui  circumcisionem  gerentes  censeri  volebant  in  populo  Dei  magnamque  sanctitatis  speciem  prae  se  ferebant:  ut  intelligamus  eos  demum  revereri  ac  timere  Deum  qui  sacrosanctum  eius  verbum  reverentur  ac  timent:  id  est,  audita  Dei  voce  serio  perculsi  sensus  omnes  suos  cogunt  ad  parendum.  Hoc  enim  pietatis  insigne  documentum  est.  Porro  quia  larvatis  Dei  cultoribus  solenne  est  magnifice  iactare  suas  pompas,  prophetae  con-