20:441  441  SUPPLEMENTUM.  442  thund  angwysen  worden  miti  jme  ein  versamlung  vffgelessner  vnburgelicher  personen,  deren  Ettliche  khein  Eyd  der  truwe  nye  geschworen  hatten,  yffs  Rhathus  gefurt  hat.  Diewyl  aber  wir  vns  solliche  getonb  zeglegen  *  vnderwunden,  thaten  sy  darwider  in  angfangner  Bos8heyt  vnd  geschafften  beharren,  Begegneten  also  jn  einer  nacht  den  wachtherren.  Do  nun  vss  Gottheher  verhengnus  einer  vnser  Sindiquen  gegenwurtig,  ais  er  der  vffrurischen  einen  mitt  gezugtem  schwerdt  ersach,  that  denselben  begryffen  jnn  gefangen  zelegen,  vyelend  gar  schnel  vyl  der  vffrurischen  Schaar  dem  Sindico  wider,  also  das  er  den  gefangnen  ledig  zelassen  ward  gezwungen.  Darzu  kham  ouch  der  Perrin  der  demselbigen  Syndico  frauenlich  syn  Sindiquen  stab  hinnemmen  wolt,  vnnd  do  ers  demselbigen  nitt  mocht,  khart  er  sich  zu  einem  andern  vnserer  vier  Sindiquen  dem  er  syn  stab  hinryss  vnd  nam,  ais  hette  er  ailes  zeuerkheeren  gentzlich  furgesetzt.  Es  soli  aber  jr  gnad  hie  wol  merkhen  das  jn  kurtzer  Frist,  vnnd  schier  jn  einem  jubschg  ein  grosse  zal  gewapneter  vnd  zemmenstymmender  liiten  die  do  alle  mitt  grosser  vngestumme  vnd  emporung  den  zweyen  Sindiquen  die  Jnen  des  vffrurs  abzeston  hiessend  vnghorsam  vnd  widerig  versamlet  wurdend,  dermossen  das  das  gricht  gar  wenig  gunst  noch  hilff  mocht  ankhommen,  dann  alle  frommen  biderbaren  Burger  vnd  frydsame  jnwoner,  die  do  nutt  zwyfletend,  lagen  jn  jren  bethern,  vnnd  wiewol  die  vffrurischen  alle  einhelligklich  zemenschruwend  Es  hetten  die  Frantzo-  Ben  die  Statt  verraten  vnnd  werend  jrer  wol  viertzig  oder  sechszig  gewapnete  jn  eines  vnsers  mitt-  Rhats  huss  versamlet  ward  doch  nye  khein  Frantzos  jm  selben  huss  noch  an  der  gassen  gespurt  noch  gsahen.  Sonnders  vnangsahen  die  grosse  vnnd  guarliche  vngestumme  hielttend  Sy  sich  styl  jn  jren  husern.  Wir  aber  mitt  Gottlicher  hilff  verschuffend  souyl  jn  derselbigen  nacht  das  der  vffrur  gestillet  ward  vnnd  morndrigen  tags  ais  dann  es  die  sach  eruordert,  vnnd  ouch  jnn  vnserm  Khat  Beschlossen  was,  Thaten  vnns  der  sach  flyssigklich  erjnnern,  vnnd  mogen  vch  hie  wol  sagen  das  wir  dyss  vngliicks  vrsprung  zvergryffen  vber  hundert  ziigen  verhort  habend,  vnnd  wiewol  von  allem  alterhar  vns  dem  kleynen  Rhat  der  lastern  vnnd  Blutssachen  Erkhandtnus  ztistande,  ouch  nitt  wyter  zuhe,  wolttend  wir  doch  dieselbige  sach  dozmal  vnnserm  grossen  Rhat  der  zweyhunderten  wol  mitteylen  vnd  furkhommen  lassen,  jr  gutt  bedunkhen  daruff  ^eempfahen,  diewyl  aber  man  dariiber  beratschlaget  machttend  sich  ettliche  der,  vffrurischen  die  sich  daran  schuldig  zesin  empfanden  paldt  vss  der  Statt,  Entdranen  also  das  man  sy  paldt  darnach  do  man  sy  jn  gfengknus  gfurt  soit  haben,  nitt  khondt  finden.