9:440  quum  nemo  ex  tota  vetustate  hanc  similitudinem  non  sit  amplexus.  Sed  cur  maligne  interea  dissimulat,  tesseram  vocari,  cui  annexa  sit  rei  exhibitio?  Cur  etiam  mentitur,  negare  Calvinum,  participes  nos  fieri  substantiae  carnis  et  sanguinis  Christi  in  coena,  quum  substantiae  nomen  diserte  usurpet?  l)  Facile  erit  Gabrieli  non  centum  modo  Calvinos,  sed  Christum,  prophetas  et  apostolos  omnes  haereticos  facere  in  tanta  mentiendi  licentia.  Itaque  nihil  mirum,  si  nullam  in  scriptura  syllabam  Calvinum  proferre  audacter  iactet,  dum  transsubstantiationem  oppugnat:  quia  pro  nihilo  ducit,  fideles  eundem  panem  in  coena  participare,  et  panem  esse  κοινωνίαν  corporis  Christi.  Aeque  subtiliter  eludit  quod  de  natura  sacramentorum  secundo  loco  addit  Calvinus:  nihil  scilicet  credendum,  quod  non  expressum  sit  in  scripturis.  Quasi  vero  aliunde  petendum  sit  quidquid  de  sacramentorum  natura  [pag.  29]  cognosci  potest.  Certe  non  ab  homine  quopiam  mortali  didicimus  visibili  symbolo  illic  repraesentari  rem  invisibilem.  An  baptismus  nobis  erit  spiritualis  ablutio,  nisi  respondeat  aquae  analogia  in  abluendi  corporis  sordibus?  Sic  nec  color  spiritualis  alimenti  nobis  erit  symbolum,  sed  panem  adesse  oportet,  ut  conveniat  inter  animae  et  corporis  cibum  similitudo.  Postquam  adeo  bellis  dicteriis  Calvinum  sugillavit,  alio  crimine  onerat.  Quod  secum  ipse  pugnet.  Docet  quidem  Calvinus,  re  ipsa  offerri  Christi  corpus  fidelibus  in  coena.  Contrarium  vero  membrum  nusquam  in  eius  scriptis  reperiet  Gabriel,  panem  inane  esse  spectrum.  Quod  si  nunquam  coenae  mysterium  exinanivit,  quin  symbolo  coniuncta  esset  rei  veritas,  quamdiu  feretur  hic  canis  cum  suo  latratu  ?  Tertiam  quoque  quasi  rursus  cum  aliis  pugnantem  sententiam  enumerat:  quamvis  solus  panis  cernatur  oculis,  corpus  tamen  vere  percipi:  quia  vacuis  figuris  non  oblectet  suos  Christus,  sed  efficaciter  arcana  virtute  impleat  quod  promittit.  Quum  haec  nullo  modo  conciliari  posse  exclamet,  an  alius  quam  phreneticus  censeri  potest,  qui  soles  geminos  videat?  Clamitet  nunc  Calvino  non  esse  credendum,  quod  solus  et  a  se  ipso  loquatur,  sed  intelligat  suam  vanitatem  ridiculam  fore,  donec  eius  libros,  qui  passim  in  tota  urbe2)  leguntur,  occisis  trecentis  millibus  [pag.  30]  testium  qui  autorem  defendent,  aboleverit.  Nullus  esset  modus,  si  singulis  sententiis  insisterem:  quando  subinde  resorbet  hic  canis  suos  vomitus,  quos  iterum  atque  iterum  egerat.  Quale  est  quod  inculcat,  Calvinum  panem  merum  statuere  in  coena,  et  tantum  tesseram  corporis  Christi  :  quum  centum  et  pluribus  locis  testetur  exhiberi  simul  cum  pane  corpus,  modo  1)  Add.  pour  monstrer  comment  I.  C.  nous  nourrit  de  son  corps  et  de  son  sang.  2)  Sic  libri  latini  omnes:  Verum  omnino  legendum:  in  toto  orbe.  Gallus  habet:  par  tout  le  monde.