5:440  mandement  de  le  manger:  et  nous  est  donne  de  Dieu,  qui  est  la  verite  certaine  et  immuable.  Si  Dieu  ne  peut  tromper  ne  mentir,  il  s'ensuit  qu'il  accomplit  [pag.  20]  tout  ce  qu'il  signifie.  Il  fault  doncq  que  nous  recevions  vrayement  en  la  Cene  le  corps  et  le  sang  de  Iesus  Christ,  puis  que  le  Seigneur  nous  y  represente  la  communion  de  l'un  et  de  l'autre.  Car  autrement,  que  seroit-ce  a  dire,  que  nous  mangeons  le  pain  et  beuvionsl)  le  vin  en  signe  que  sa  chair  nous  est  viande  et  son  sang  breuvage,  s'il  ne  nous  donnoit  que  pain  et  vin,  laissant  la  verite  spirituelle  derriere?  Ne  seroit-ce  pas  a  faulses  enseignes  qu'il  auroit  institue  ce  mystere?  Nous  avons  doncq  a  confesser  que  si  la  representation  que  Dieu  nous  faict  en  la  Cene  est  veritable,  la  substance  interieure  du  Sacrement  est  conioincte  avec  les  signes  visibles:  et  comme  le  pain  nous  est  distribue  en  la  main,  aussi  le  corps  de  Christ  nous  est  communique,  a  fin  que  nous  en  soyons  faictz  participans.  Quand  il  n'y  auroit  autre  chose,  si  avons  nous  bien  matiere  de  nous  contenter,  quand  nous  entendons  que  Iesus  Christ  nous  donne  en  la  Cene  la  propre  substance  [pag.  21]  de  son  corps  et  son  sang,  a  fin  que  nous  le  possedions  pleinement,  et,  le  possedant,  ayons  compaignie  a  tous  ses  biens.  Car,  puis  que  nous  l'avons,  toutes  les  richesses  de  Dieu,  lesquelles  sont  en  luy  comprises,  nous  sont  exposees  a  ce  qu'elles  soient  nostres.  Ainsi,  pour  definir  brievement  ceste  utilite  de  la  Cene,  nous  povons  dire  que  Iesus  Christ  nous  y  est  offert,  a  fin  que  nous  le  possedions,  et  en  luy  toute  plenitude  des  graces2)  que  nous  povons  desirer.  Et  que  en  cela  nous  avons  une  bonne  ayde  pour  confermer  noz  consciences  a  la  foy  que  nous  debvons  avoir  en  luy.  Le  second  fruict  qu'elle  nous  apporte  est  qu'elle  nous  admonneste  et  incite  a  mieux  recongnoistre  les  biens  que  nous  avons  receuz  et  recevons  iournellement  du  Seigneur  Iesus,  a  fin  que  nous3)  luy  rendions  telle  confession  de  louange  quelle  luy  est  deue.4)  Car  de  nous  mesmes  nous  sommes  tant  negligens  que  c'est  merveilles,  a  mediter  la  bonte  de  nostre  Dieu,  sinon  qu'il  reveille  [pag.  22]  nostre  paresse,  et  nous  poulse  a  faire  nostre  debvoir.  Or,  nous  ne  scaurions  avoir  aiguillon  pour  nous  poindreo)  plus  au  vif,  que  quand  il  nous  faict,  par  maniere  de  dire,  voir  a  l'oeil,  toucher  a  la  main,  et  sentir  evidemment  un  bien  tant  inestimable:  c'est  de  nous  repaistre  de  sa  propre  substance.  C'est  ce  qu'il  veult  signifier,6)  en  nous  1)  beuvons,  1549  ss.  2)  de  graces,  1566  ss.  3)  nous,  manque  dans  les  editions  1566  et  ss.  4)  quelle  luy  est  deue  1541;  qu'elle  luy  est  deue  1542.  1549;  qui  luy  est  deue  1566  ss.  5)  L'edition  de  1541  ecrit:  prendre.  6)  signifier,  manque  dans  la  premiere  edition  (1541).