25:440  Verum  exitus  in  diversam  potius  sententiam  nos  ducit,  Deum  ereptis  a  tanto  discrimine  nunciis  animos  populo  addidisse:  quia  in  illo  potentiae  suae  documento  palam  ostendit,  se  pro  salute  populi  et  feliei  in  terram  ingressu  excubare.  4.  Mulier  accepit  viros.  Coniicere  licet,  antequam  iussa  fuerit  Rahab  eos  repraesentare,  sparsum  fuisse  rumorem  de  eorum  adventu,  atque  ita  aliquantulum  temporis  datum  fuisse  ad  eos  occultandos.  Et  certe,  audito  regis  mandato,  nisi  rebus  ad  fallendum  probe  compositis,  non  fuisset  tergiversandi  locus:  multo  autem  minus  ausa  fuisset  tam  secure  mentiri.  Verum  quia  suos  hospites  sic  texerat,  ut  difficilis  esset  investigatio,  prodit  intrepide  in  medium,  et  callido  responso  se  expedit.  Iam  hic  quaeritur,  primum  fueritne  excusabilis  patriae  proditio  :  deinde  an  mendacium  vitio  caruerit.  Scimus  naturaliter  ingenitum  nobis  esse  patriae  amorem,  quae  velut  communis  est  mater.  Quum  ergo  sciret  Rahab  de  clade  urbis  agi,  cuius  indigena  et  alumna  erat,  detestanda  videtur  fuisse  inhumanitas,  speculatores  consilio  et  ope  iuvare.  Puerile  effugium  est,  nondum  professos  fuisse  hostes  bello  non  indicto:  quando  satis  liquet  in  civium  suorum  perniciem  conspirasse.  Ergo  sola  cognitio,  quam  Deus  animo  eius  indidit,  eam  eximit  a  culpa  tanquam  solutam  communi  lege.  Laudatur  a  duobus  apostolis  eius  fides  (Hebr.  l  l  ,  31  et  Iac.  2,  25)  qui  simul  testantur,  officium  quod  speculatoribus  praestitit,  Deo  fuisse  gratum.  Non  mirum  igitur,  si  Deus,  ubi  mulierem  extraneam  traducere  dignatus  est  ad  populum  suum  et  in  ecclesiae  corpus  inserere,  a  gente  profana  et  maledicta  segregavit.  Quamvis  itaque  ad  eum  usque  diem  obstricta  fuisset  suis  popularibus:  ubi  tamen  cooptata  fuit  in  corpus  ecclesiae,  nova  conditio  quaedam  manumissio  fuit  a  iure  societatis,  quo  inter  se  devincti  sunt  cives.  Denique  ut  fide  transiret  in  novum  populum,  renunciare  oportuit  suis  popularibus.  Et  quia  tantum  Dei  iudicio  acquievit,  nullum  in  proditione  fuit  crimen.  De  mendacio  sic  habendum  est:  quamvis  in  bonum  finem  tenderet:  non  tamen  fuisse  extra  culpam.  Nam  qui  mendacium  officiosum  prorsus  excusant,  non  satis  attendunt,  quam  pretiosa  sit  Deo  veritas.  Ergo  quamvis  fratres  nostros  iuvare,  eorum  saluti  consulere,  et  ipsos  sublevare  propositum  sit:  nunquam  mentiri  fas  erit:  quia  rectum  esse  non  potest,  quod  Dei  naturae  est  contrarium.  Atqui  Deus  est  veritas.  Neque  tamen  ideo  virtutis  laude  exuitur  opus  Rahab,  quamvis  macula  sit  aspersum.  Saepe  enim  contingit,  dum  sancti  rectam  viam  tenere  student,  in  obliquos  tamen  circuitus  divertere.  Dum  Rebecca  filio  suo  Iacob  benedictionem  procurat,  oraculo  subscribit.  In  eiusmodi  obsequio  pius  et  laude  dignus  zelus  perspicitur.  Atqui  filium  Iacob  subornando  in  locum  Esau,  non  dubium  est