56:44  savoye  rien.  17.  Et  ayant  peur,  dit,  Que  ce  lieu-ci  est  espovantable  !  ce  n'est  ici  que  la  maison  de  Dieu,  et  ci  est  la  porte  du  ciel.  18.  Et  Iacob  se  leva  au  matin,  et  preint  la  pierre  qu'il  avoit  mise  sous  sa  teste,  et  la  posa  pour  enseigne,  et  versa  de  l'huile  sur  le  sommet  d'icelle.  19.  Et  appela  le  nom  du  lieu  Beth-el:  au  reste  la  ville  avoit  nom  paravant  Lus.  20.  Et  Iacob  voua  un  voeu,  en  disant,  Si  l'Eternel  Dieu  est  avec  moy  et  me  preserve  en  la  voye  par  laquelle  ie  chemine,  et  me  donne  du  pain  a  manger,  et  vestement  pour  vestir,  21.  Et  que  ie  retourne  en  paix  en  la  maison  de  mon  pere:  lors  l'Eternel  me  sera  Dieu.  22.  Et  ceste  pierre  que  i'ay  mise  en  signe,  sera  la  maison  de  Dieu:  et  de  toutes  choses  que  tu  m'auras  donnees,  ie  te  donneray  la  disme.  Chapitre  XXIX.  1.  Et  Iacob  se  mit  en  chemin,  et  s'en  alla  vers  la  terre  du  peuple  Oriental.  2.  Et  il  regarde,  et  voici  un  puits,  en  un  champ,  et  la  aupres  trois  troupeaux  de  brebis  gisans:  Car  de  ce  puits-la  les  brebis  estoyent  abruvees,  et  y  avoit  une  grosse  pierre  sur  la  gueule  du  puits.  3.  Et  tous  les  troupeaux  estant  Ja  reduits,  ils  rouloyent  la  pierre  de  gueule  du  puits,  et  abruvoyent  les  troupeaux:  puis  remettoyent  la  pierre  en  son  lieu  sur  la  gueule  du  pnit8.  4.  Et  Iacob  leur  dit,  Mes  freres,  d'ou  estes-vous?  Et  ils  respondirent,  Nous  sommes  d'Haran.  5.  Et  il  leur  dit,  Ne  cognoissez-vous  point  Laban  fils  de  Nachor?  Et  ils  respondirent,  Nous  le  cognoissons.  6.  Derechef  il  leur  dit,  Se  porte-il  bien?  Lesquels  dirent,  Bien:  et  voici  Rachel  sa  fille,  qui  vient  avec  le  troupeau.  7.  Et  il  dit,  Ou  est-il  encore  grand  iour,  il  n'est  point  temps  de  rassembler  le  troupeau,  abruvez  les  brebis  et  allez  les  repaistre.  8.  Lesquels  repondirent,  Nous  ne  pouvons,  iusques  a  ce  que  les  troupeaux  seront  assemblez,  et  qu'on  oste  la  pierre  de  la  gueule  du  puits  pour  abruver  les  brebis.  9.  Luy  encore  parlant  avec  eux,  Rachel  surveint  avec  sea  brebis,  qui  appartenoyent  a  son  pere:  Car  elle  estoit  bergere.  10.  Or  quand  Iacob  veit  Rachel  la  fille  de  Laban,  frere  de  sa  mere,  et  les  brebis  dudit  Laban  frere  de  sa  susdite  mere,  il  s'approche,  et  revira  la  pierre  de  dessus  la  gueule  de  puits,  puis  abruva  les  brebis  de  Laban  frere  de  sa  mere.  11.  Et  Iacob  baisa  Rachel,  et  en  s'escriant  pleura.  12.  Adonc  Iacob  annonca  a  Rachel  qu'il  estoit  frere  de  son  pere,  et  aussi  fils  de  Rebecca:  apres  elle  s'encourut  et  l'annonca  son  pere.  13.  Et  quand  Laban  eut  entendu  les  nouvelles  de  Iacob  fils  de  sa  seur,  il  courut  au  devant  de  luy,  et  l'embrassa,  et  le  baisa,  et  le  fit  venir  en  sa  maison:  et  iceluy  recita  a  Laban  toutes  ces  choses.  14.  Et  Laban  luy  dit,  Certos  tu  es  mon  os  et  ma  chair:  et  de-  44