54:44  sont  attirez  par  la  vertu  de  son  S.  Esprit  (comme  ii  en  sera  traitte  tantost  plus  a  plein),  les  incredules  demeurent  en  leur  durete:  voila  le  feu  qui  s'allume:  comme  quand  les  tonnerres  s'engendrent  en  l'air,  il  faut  qu'il  y  ait  de  grans  troubles:  ainsi  en  est-il  quand  l'Evangile  se  presche.  Or  maintenant,  si  l'Evangile  emporte  des  afflictions,  et  que  Iesus  Christ  vueille  que  ce  qu'il  a  endure  en  sa  personne,  s'accomplisse  en  ses  membres,  et  que  iournellement  il  soit  comme  crucifie,  nous  est-il  licite  de  nous  retirer  de  ceste  condition-la?  Puis  qu'ainsi  est  donc  qu'en  l'Evangile  consiste  toute  l'esperance  de  salut,  et  que  nous  devons  estre  appuyez  la  dessus,  contemplons  ce  que  sainct  Paul  dit,  qu'il  nous  faut  prester  la  main  a  nos  freres,  quand  nous  voyons  qu'ils  sont  outragez,  et  qu'on  les  foulle  au  pied,  qu'on  leur  crache  au  visage,  qu'on  les  despite,  que  nous  aimions  mieux  estre  leurs  compagnons  pour  souffrir  les  opprobres  et  les  vilenies  du  monde,  que  d'estre  honorez,  d'estre  en  bonne  reputation  et  en  credit,  et  cependant  que  nous  soyons  alienez  de  ceux  qui  endurent  pour  la  cause  que  nous  avons  commune  avec  eux.  Voila  donc  ce  que  nous  avons  a  retenir  de  ce  passage.  Or  pource  que  de  nostre  coste  nous  sommes  debiles,  et  semble  que  nous  devions  estre  engloutis  des  persecutions,  si  tost  que  nous  sommes  assaillis  d'une  telle  impetuosite  de  nos  ennemis,  que  nous  voyons  que  le  monde  a  tant  de  pouvoir,  sainct  Paul  adiouste  que  nous  ne  serons  point  destituez  de  l'aide  et  secours  de  nostre  Dieu  :  et  quand  il  nous  envoye  au  combat,  ce  n'est  point  pour  esprouver  nos  forces,  mais  il  nous  arme  quant  et  quant,  il  nous  donne  vertu  invincible  pour  subsister.  Voila  pourquoy  sainct  Paul  adiouste,  Selon  la  vertu  de  Dieu:  pour  oster  toute  excuse  de  laschete.  Or  suyvant  ce  que  nous  avons  dit,  chacun  seroit  bien  aise  d'avoir  couleur  et  couverture  de  se  retirer  des  persecutions:  Ho,  voila,  ie  voudroye  bien,  si  mon  Dieu  me  faisoit  la  grace,  de  souffrir  pour  son  nom,  ie  cognoy  que  c'est  le  plus  grand  bien  qui  me  puisse  advenir.  Chacun  confessera  cela:  mais  on  adioustera  que  nous  sommes  debiles,  que  nous  serions  tantost  abbatus,  que  les  tourmens  sont  pour  nous  espouvanter,  on  voit  la  cruaute  et  rage  des  ennemis.  Voila  comme  chacun,  apres  avoir  confesse  que  c'est  une  chose  excellente  de  souffrir  pour  le  nom  de  Dieu,  voudroit  en  estre  quitte.  Mais  sainct  Paul  nous  oste  ceste  excuse-la,  en  disant  que  Dieu  sera  pour  nous  fortifier,  qu'il  ne  nous  faut  point  contempler  ce  qui  est  en  nous.  Car  il  est  certain  que  sans  que  nos  ennemis  chocquent  contre  nous,  il  ne  faudra  que  nostre  ombre  pour  nous  effrayer:  l'apprehension  seule  sera  pour  nous  faire  fuir.  Mais  apres  avoir  cognu  ceste  infirmite-la,  venons  an  remede.  Il  nous  faut  bien  regarder  quelle  foiblesse