53:44  ment  ce  qu'ils  ne  scavent  pas.  Or  ce  mot  d'affermer  emporte  beaucoup.  Car  si  sainct  Paul  eust  voulu  ici  traitter  d'un  simple  argument,  c'estoit  assez  de  avoir  dit,  Ils  ne  scavent  de  quoy  ils  parlent:  mais  il  met  ce  mot-ci  qui  emporte  plus,  disant  que  les  voila  [resolus,  qu'ils  ne  font  que  determiner,  conclure,  prononcer,  et  voudront  que  tout  le  monde  soit  oblige  a  les  croire:  une  telle  temerite  se  trouvera  tousiours  en  ceux  qui  n'ont  nul  fondement  en  la  parole  de  Dieu.  Car  ceux  qui  cognoissent  qu'il  n'y  a  nul  maistre  sinon  Iesus  Christ,  auront  ceste  modestie  en  eux,  de  ne  se  point  avancer  outre  la  mesure  de  leur  foy.  Il  est  vray  que  quand  nous  aurons  bien  cognu  que  Dieu  a  parle,  nous  ne  serons  plus  comme  roseaux  branslans,  nous  aurons  une  foy  immuable,  et  laquelle  sera  victorieuse  sur  toutes  tentations.  Brief,  la  foy,  et  une  opinion,  ou  cuider,  ne  se  peuvent  nullement  accorder,  non  plus  que  la  clarte  avec  les  tenebres:  car  la  foy  emporte  certitude.  Mais  si  est-ce  (comme  i'ay  dit)  que  les  fideles  regarderont  tousiours  ce  qui  leur  est  donne,  et  ne  seront  point  hastifs  a  croire.  Ils  auront  bien  ceste  promptitude  que  sainct  Paul  loue,  en  disant,  Des  le  iour  que  vous  avez  ouy,  vous  avez  creu.  Ils  seront  donc  appareillez  a  suyvre  ce  qu'il  leur  sera  propose  au  nom  de  Dieu,  mais  ce  ne  sera  pas  sans  discretion,  comme  il  en  parle  ailleurs.  Et  pourquoy  cela?  Car  nous  scavons  qu'il  n'y  a  que  Dieu  seul  qui  nous  doit  conduire,  et  qui  doit  gouverner  nos  ames  :  et  si  les  hommes  vienent  a  nous,  et  que  nous  ne  discernions  point,  que  nous  soyons  comme  bestes  brutes,  nous  laissans  mener  par  le  nez,  ne  8era-ce  pas  mesler  le  ciel  avec  la  terre?  Car  il  faut  que  toutes  creatures  se  taisent,  et  que  Dieu  seul  parle,  et  que  ce  que  nous  croirons,  soit  procede  de  luy,  et  que  nous  en  soyons  bien  asseurez.  Voila  donc  quant  aux  fideles:  ils  auront  (comme  i'ay  dit)  ceste  modestie  en  eux,  de  ne  rien  affermer  sinon  ce  qu'ils  cognoissent  estre  de  Dieu,  et  aimeront  mieux  se  tenir  un  temps  en  suspens,  quand  ils  ne  seront  pas  deuement  enseignez  de  quelque  article,  que  d'en  dire  a  la  volee,  comme  font  beaucoup  qui  auront  honte  de  rien  ignorer:  ils  voudront  estre  grans  clercs  et  scavoir  tout,  et  ne  scavent  rien.  Or  les  fideles  n'iront  pas  avec  telle  hastivete:  mais  celuy  qui  s'avance,  et  qui  presume  de  dire  ce  que  bon  luy  semble,  pour  mesler  ses  songes  et  resveries  parmi  la  parole  de  Dieu,  ceux  qui  sont  tels,  affer  m  e  ro  n  t  tant  et  plus,  qu'il  n'y  aura  rien  dont  ils  ne  facent  une  conclusion  absolue,  pour  dire,  Voila  qu'il  faut  tenir,  voila  qu'il  faut  observer.  Pour  ceste  cause  sainct  Paul  dit  que  telles  gens,  combien  qu'ils  afferment,  toutesfois  si  n'ontils  nulle  resolution  en  eux:  mais  ils  voltigent  tousiours:  et  aussi  le  diable  les  transporte  avec  une  telle  audace,  qu'ils  veulent  que  ce  qu'ils  disent,  soit  43