51:44  versitez,  quel  est  cest  homme-la  entre  les  Papistes?  O  c'est  un  homme  seculier,  c'est  a  dire  il  est  du  monde.  Voila  donc  ce  qu'ils  prisent  la  purite  du  service  de  Dieu,  et  nous  scavons  que  le  principal  service  que  Dieu  demande,  c'est  que  nous  tendions  du  tout  a  luy,  et  que  nous  le  glorifions  tant  en  affliction  qu'en  prosperite,  et  que  nous  cheminions  selon  qu'un  chacun  sera  appele  en  son  estat,  que  il  n'y  ait  ni  orgueil,  ni  ambition  en  nous,  ni  envie.  Voila  donc  ce  que  Dieu  approuve,  mais  selon  la  definition  des  Papistes,  ceux  qui  se  gouvernent  ainsi,  ils  sont  du  monde.  Et  ou  sont  donc  les  Anges  Papistiques?  En  un  cloistre.  Quand  ces  vilains  caphards  auront  gourmande  tout  leur  saoul,  et  qu'ils  auront  fait  grande  chere,  ils  ne  scavent  a  quoy  s'occuper  sinon  ou  a  ieux  ou  a  toutes  meschancetez  (car  on  scait  que  tous  les  couvents  de  la  Papaute  sont  pleins  bordeaux).  Et  pleust  a  Dieu  que  ce  ne  fussent  encores  que  bordeaux:  mais  il  s'y  commet  des  choses  si  enormes  et  si  brutales  qne  les  cheveux  en  dressent  en  la  teste  d'en  ouir  parler.  Brief,  c'est  un  horreur  que  de  cest  estat:  et  toutesfois  ce  sont  des  Anges  au  pris  des  poures  gens  qui  se  gouvernent  comme  nous  avons  dit,  et  pourquoy?  D'autant  qu'ils  chantent  matines  bien  devofcement,  qu'ils  chantent  la  messe,  et  qu'ils  sont  separez  du  reste  du  monde,  qu'ils  ne  s'employent  point  ni  a  fouir  la  terre,  qu'ils  ne  se  meslent  point  ni  de  coudre  ni  de  tailler,  ni  de  rien  qui  soit:  mais  les  voila  en  une  vie  contemplative,  les  voila  en  estat  de  perfection.  Ne  void-on  pas  comme  le  monde  a  este  du  tout  abruti?  mais  telles  gens  qui  ont  transfigure  Dieu  en  des  marmousets  sont  bien  dignes  d'estre  ainsi  abysmez  en  telles  erreurs  et  si  absurdes.  De  nostre  coste  cognoissons  que  nous  avons  un  Dieu  qui  est  Esprit,  et  qu'il  veut  estre  servi  spirituellement,  comme  il  nous  le  declare  par  sa  parole.  Cependant  craignons  d'estre  retenus  en  ces  folles  fantasies  dont  ces  miserables  sont  ainsi  ensorcelez:  mais  cognoissons  que  Dieu  se  communique  a  nous,  afin  que  nous  recourions  a  luy  en  toute  sainctete,  iustice  et  droiture:  et  puis  que  nous  examinions  nostre  vie  selon  sa  Loy,  et  non  pas  selon  nostre  opinion,  ou  celle  du  monde.  Et  puis  que  nous  regardions  aussi  ce  qu'il  approuve  et  ce  qu'il  defend,  puis  que  c'est  a  luy  que  nous  avons  a  rendre  conte,  et  que  nous  n'avons  point  autre  iuge  que  luy  seul.  Que  donc  nous  regardions  a  toutes  ces  choses  a  fin  de  nous  exercer,  scachans  que  nous  ne  pcrdrons  point  nostre  peine  quand  nous  nous  y  occuperons.  Et  laissons  la  les  Papistes  qui  se  rompent  et  les  iambes  et  le  col,  et  cependant  ne  scavent  qu'ils  font,  sinon  qu'ils  despitent  Dieu  et  le  provoquent  de  plus  en  plus.  Afin  donc  que  nous  ne  tracassions  point  en  vain,  et  que  nous  ne