49:44  erat.  Putabant  circumcisionem,  per  se,  opus  esse  ad  comparandam  iustitiam  idoneum.  Ergo,  ut  iuxta  eorum  opinionem  loquatur,  respondet,  si  opus  spectetur  in  circumcisione,  hanc  esse  conditionem  eius  ut  is,  qui  circumciditur,  se  integrum  ac  perfectum  Deo  cultorem  exhibeat:  opus  itaque  circumcisionis  esse  perfectionem.  Ita  et  de  baptismo  nostro  licet  loqui.  Si  quis  sola  baptismi  aquae  fiducia  fretus  iustificatum  se  putet,  quasi  iam  comparata  ex  opere  ilio  sanctitate:  obiiciendus  sit  baptismi  finis:  nempe  quod  per  eum  nos  Dominus  vocat  ad  vitae  sanctitatem.  Hic  sileretur  promissio  et  gratia,  quam  nobis  testificatur  baptismus  atque  obsignat:  quia  nobis  negotium  esset  cum  iis  qui,  vacua  baptismi  umbra  contenti,  quod  in  eo  solidum  est  non  morantur  neque  expendunt.  Atque  id  quidem  in  Paulo  animadvertas,  ubi  de  signis  disserit  apud  fideles  et  sine  contentione,  ea  cum  promissionum  suarum  efficacia  et  complemento  connectere:  ubi  apud  praeposteros  et  imperitos  signorum  interpretes  sermonem  habet,  illic,  omissa  propriae  ac  germanae  signorum  naturae  mentione,  totum-  stilum  dirigere  in  illorum  pravam  interpretationem.  Multi  autem,  quia  vident  Paulum  adducere  circumcisionem  potius  quam  aliud  legis  opus,  arbitrantur  eum  adimere  solis  caeremoniis  iustitiam.  Sed  res  longe  aliter  habet.  Istud  enim  semper  evenire  solet,  ut  qui  merita  sua  erigere  audent  adversus  Dei  iustitiam,  externis  magis  observationibus  superbiant  quam  solida  probitate.  Nam  quicunque  serio  Dei  timore  tactus  est  et  affectus,  nunquam  in  coelum  oculos  attollere  audebit:  siquidem  quo  magis  contendet  ad  veram  iustitiam,  eo  melius  cernet  quanto  intervallo  ab  ea  distet.  Pharisaei  autem,  qui  contenti  sunt  externa  simulatione  adumbrasse  sanctitatem,  nonr  mirum  si  tam  facile  sibi  blandiantur.  Ideo  Paulus,  quum  Iudaeis  nihil  reliqui  fecisset,  nisi  hoc  miserum  subterfugium,  ut  se  per  circumcisionem  iustificatos  iactarent,  inanem  quoque  istam  personam  illis  nunc  detrahit.  26.  Si  ergo  praeputium,  ete.  Argumentum  est  validissimum.  Unumquodque  suo  fine  inferius  est  atque  illi  subordinatur.  Circumcisio  in  legem  respicit:  ergo  infra  illam  esse  debet.  Plus  ergo  est  legem  servare  quam  circumcisionem,  quae  illius  causa  instituta  est.  Unde  sequitur,  incircumcisum,  qui  modo  legem  servet,  longe  praecedere  Iudaeum  legis  transgressorem  cum  arida  sua  et  inutili  circumcisione*  Atque  ita  etiamsi  natura  sit  pollutus,  legis  tamen  observatione  sanctificabitur,  ut  praeputium  illi  circumcisionis  vice  imputetur.  Vocabulum  autem  praeputii  secundo  loco  proprie  accipitur,  priore  abusive  pro  gentili:  res  pro  persona.  Porro  hic  neminem  sollicitum  esse  oportet  de  quibus  legis  cultoribus  intelligi  possit  quod  ait  Paulus:  quando  nullos  tale��  reperire  liceat.  Simpliciter  enim  hanc  hypothesin