48:44  membra  distribuitur.  Neque  vero  negandum  est,  de  seipso  Davidem  hic  loquutum:  sed  quatenus  in  Christo,  quasi  vitae  speculo,  se  intuebatur.  Primus  ergo  respectus  in  Christum:  inde  ad  se  et  alios  fideles  oculos  convertit.  Ita  nobis  hic  praescribitur  generalis  doctrina,  de  natura  fidei,  de  spirituali  conscientiae  gaudio,  de  spe  aeternae  liberationis.  Providebam.  Hoc  principium  tenendum  est,  si  Deum  velimus  nobis  adesse,  ut  illum  statuamus  nobis  ante  oculos  :  et  quidem  antequam  appareat.  Fidei  enim  prospectus  multo  longius  quam  ad  praesentem  experientiam  penetrat.  Ergo  hoc  habet  proprium  fides,  ut  in  rebus  confusis  et  periculis  omnibus  Deum  semper  ducem  sibi  proponat.  Nihil  enim  est  quod  nos  sustineat  quam  praesentiae  Dei  agnitio:  sicut  absentiae  opinio  nos  subinde  consternat  et  tandem  penitus  exanimat.  Subiicit  David,  non  frustra  se  ad  directionem  illam  Dei  fuisse  intentum.  Mihi,  inquit,  a  d  e  x  t  r  i  s  est:  quo  significat,  non  esse  periculum,  ne  unquam  nos  ac  fidem  nostram  frustretur,  quum  illum  proponimus  nobis  praesentem  :  semper  enim  praesentissimum  eius  auxilium  sensuros.  Fides  quidem  in  sperando  Dei  auxilio  omne  experimentum  et  quidquid  sensu  percipitur  antevertere  debet:  verum  ubi  hanc  Deo  gloriam  tribuerit,  ut  eum,  licet  absentem,  adeoque  invisibilem,  in  Verbo  adspiciat,  ipso  tandem  rei  effectu  superabitur.  Est  enim  angustior  fidei  mensura  quam  ut  immensam  divinae  potentiae  et  bonitatis  amplitudinem  capiat.  Similitudine  autem  utitur  ab  iis  sumpta,  qui  ut  debiles  fulciant,  vel  timidos  confirment,  ad  latus  se  coniungunt.  Non  commoveri,  est  non  deiici  e  gradu,  sed  firmum  in  statu  manere:  quemadmodum  et  Psal.  46  (v.  6),  Deus  in  medio  eius,  itaque  non  commovebitur:  Etsi  enim  duriter  pios  quatefieri  saepe  contingit,  tamen  quia  ad  seipsos  redeunt,  dicuntur  firmi  manere.  Non  est  igitur  cur  sibi  a  lapsu  timeant,  qui  Dei  auxilio  sustinentur.  Sicut  e  converso  qui  alibi  quam  in  Deo  robur  suum  statuunt,  ad  minimum  quemlibet  aurae  flatum  nutabunt,  ad  mediocrem  autem  tentationis  ventum  corruent.  26.  Propter  hoc  laetatum.  Fiduciam  sequitur  gaudium  animae,  linguae  exsultatio,  et  corporis  totius  securitas.  Nisi  enim  stupeant  homines,  anxios  et  tristes  esse  oportet,  adeoque  misere  cruciari,  quamdiu  se  destitutos  ope  Dei  sentiunt.  At  fiducia,  quae  in  Deo  collocatur,  non  anxietate  modo  nos  liberat,  sed  miro  gaudio  animos  nostros  perfundit.  Istud  est  gaudium,  quod  suis  discipulis  plenum  Christus  promisit,  et  quod  non  posse  illis  eripi  testatus  est,  Ioan.  16  et  17.  Magnitudinem  gaudii  exprimit,  quum  negat  posse  intus  contineri,  quin  erumpat  in  linguae  exaltationem.  Cabod,  gloriam  quidem  significat:  sed  hic,  ut  aliis  pluribus  locis,  pro  lingua  capitur.  Atque  ita  recte  verterunt  Graeci.  Carnis