37:44  tibi  opem  feram,  teque  in  pristinam  libertatem  restituens  faciam  ut  e  sordibus  et  putredine  emergas.  DTlft  nonnulli  interpretantur  viros,  quod  contextui  minime  convenit.  Ergo  manifesta  ratio  cogit  vertere  mortuos.  Est  enim  expositio  prioris  per  repetitionem,  quae  Hebraeis  valde  usitata  est.  Assentior  igitur  Hieronymo,  qui  ita  vertit:  neque  moror  quod  DTD  per:  non  per  "  hic  scribitur  Facile  enim  fuit  tam  affinia  inter  se  puncta  mutari.  Et  res  ipsa  spectanda  est,  quia  nihil  magis  insulsum  quam  viros  pro  vermibus  subiicere:  nisi  forte  quis  malit  legere  mortales.  Sed  haud  dubie  vocem  hanc  Deus  audiri  voluit  ab  afflictissimis,  ut  penetraret  usque  ad  ipsum  sepulcrum  :  quia  ex  opposito  redemptorem  se  mortuis  fore  affirmat.  Porro  sic  propheta  saeculi  sui  rationem  habuit,  ut  hanc  doctrinam  extenderit  ad  omnes  mundi  aetates.  Quoties  igitur  oppressam  impiorum  saevitia  ecclesiam  videbimus,  haec  in  memoriam  revocanda  erunt,  ut  filios  Dei  qui  mundi  fastu  calcantur,  nec  modo  habentur  contemptibiles,  sed  omni  crudelitatum  et  probrorum  genere  affecti  vix  respirant,  statuamus  coram  Deo  in  summo  honore  et  pretio  esse,  ut  brevi  caput  attollant:  et  hoc  quisque  nostrum  ad  se  accommodet,  ut  neque  contumeliis,  neque  miseria  nostra,  neque  angoribus,  neque  ipsa  morte  terreamur.  Tametsi  mortuis  similes  simus,  omnisque  salutis  spes  nobis  adempta  sit,  tamen  aderit  nobis  Dominus,  ecclesiamque  suam  vel  e  sepulcro  ipso  demum  excitabit.  Et  propheta  sanctum  Israelis  rursus  addens,  ad  foederis  memoriam  fideles,  sicuti  paulo  ante,  revocat,  quo  segregatus  erat  Israel  in  sacrum  Dei  peculium,  atque  ita  addit  animos,  ne  eos  exanimet  vel  debilitet  sortis  suae  indignitas,  dum  se  vermes  et  mortuos  esse  reputant.  15.  (Ecce  posui  te.)  Loquitur  adhuc  de  restitutione  ecclesiae,  eamque  ita  superiorem  hostibus  fore  promittit  ut  eos  trituret  ac  comminuat:  et  aptissima  similitudine  hoc  declarat.  Iudaei  enim  quos  alloquitur,  paene  obtriti  erant:  ex  adverso  vero  pronuntiat  ab  iis  obterendos  esse  hostes,  ut  postquam  liberati  fuerint,  vicem  eis  mutuam  reddant.  Porro  hoc  necessario  addendum  fuit:  quia  nisi  recuperassent  novas  vires,  hostium  libidini  semper  obnoxii  fuissent.  Ideoque  divinitus  armandi  fuerunt  ad  repellendas  iniurias.  Quanquam  simul  pronuntiat  Isaias  vindictae  Dei  fore  ministros.  Sed  videtur  hoc  modo  inflammare  Iudaeos  ad  ulciscendi  cupiditatem:  quod  a  spiritu  Dei  omnino  alienum  est.  Et  quum  nimis  in  hunc  morbum  propensi  simus,  Dominus  has  ulciscendi  cogitationes  saepe  alibi  reprimi  iubet:  tantum  abest  ut  eas  indulgentia  foveat.  Hortatur  enim  ut  potius  bene  precemur  hostibus,  non  ut  eorum  calamitatibus  et  aerumnis  oblectemur.  Respondeo,  prophetam  hic  docere  quid  futurum  sit,  non  iubere  neque  hortari  ut  hostium