33:44  petites  ordures,  et  de  souffrir  nulle  correction,  nulle  doctrine,  il  n'en  est  nouvelle:  il  leur  semble  qu'on  leur  feroit  tort,  et  iniure.  Au  contraire  nous  voyons  comme  il  en  est  ici  parle.  Mais  quoi?  les  peres  sont  bien  dignes  que  leurs  enfans  ne  leur  obeissent  point,  et  qu'ils  ne  s'assubietissent  point  a  eux:  Et  pourquoi?  car  celui  qui  veut  estre  honore,  il  faut  qu'il  soit  honorable,  c'est  a  dire,  il  faut  qu'il  monstre  de  quoy.  Comment  est-ce  qu'un  pere  acquerra  authorite  envers  ses  enfans  pour  estre  obey  d'eux,  et  pour  les  entretenir  en  crainte?  quand  il  aura  une  telle  gravite,  et  attrempance  en  soi,  que  les  enfans  devroyent  avoir  honte  de  luy  contredire,  et  de  se  rebecquer  a  l'encontre  de  luy.  Mais  si  les  peres  reiettent  toute  crainte  de  Dieu,  comment  est-ce  que  leurs  enfans  leur  obeiront,  quand  eux  mesmes  ne  rendent  point  l'honneur  a  Dieu  qui  lui  appartient?  Voila  donc  qui  est  cause  que  les  enfans  se  monstrent  ainsi  incorrigibles,  et  qu'on  ne  les  peut  tenir  en  bride:  c'est  d'autant  que  les  peres  sont  desobeissans  a  Dieu.  Or  tant  y  a,  que  les  peres,  et  les  enfans  sont  ici  condamnez:  les  peres  pour  leur  nonchalance,  s'ils  ne  regardent  a  instruire  leurs  enfans  en  la  crainte  de  Dieu:  et  aussi  les  enfans,  s'ils  ne  se  laissent  point  gouverner  par  leurs  peres.  Et  ils  ont  ici  un  bel  exemple,  car  il  est  parle  de  ceux  qui  pouvoyent  dire,  Et  mon  pere  m'a  tenu  en  bride  du  temps  que  i'estoye  ieune,  mais  maintenant  faut-il  que  ie  soye  tousiours  tenu  sous  la  verge?  Les  enfans  de  Iob  pouvoyent  parler  ainsi,  mais  nous  voyons  combien  qu'ils  tienent  mesnage,  que  neantmoins  ils  sont  tousiours  sous  la  conduite  du  pere:  car  il  n'est  pas  dit  au  texte,  qu'ils  ayent  contredit  a  ce  qu'il  leur  a  commande,  comme  il  est  parle  des  enfans  d'Hely:  mais  ils  ont  obey,  a  fin  d'estre  participans  des  sacrifices  qu'il  offroit  pour  eux.  Quand  donc  nous  voyons  cela,  c'est  bien  pour  condamner  tous  ces  petits  rustres,  qui  font  des  braves,  et  levent  les  cornes,  ils  ne  savent  que  c'est  de  discipline  en  facon  que  ce  soit,  ce  ne  sont  que  merdailles,  et  neantmoins  ils  veulent  contrefaire  les  hommes:  et  ceux  qui  estoyent  aagez,  et  advisez  pour  conduire  un  mesnage,  encores  voyons  nous  qu'ils  estoyent  retenus  sous  la  conduite,  et  l'obeissance  de  leur  pere.  Au  reste  quant  a  ce  mot  de  sacrifier,  c'est  selon  la  costume  ordinaire  de  la  Loy,  que  pour  participer  aux  sacrifices,  il  falloit  qu'on  se  purifiast  pour  y  estre  dispose  deuement.  Et  combien  que  Iob  ne  fust  pas  au  pays  la  ou  la  Loy  de  Moyse  estoit  escrite,  ou  bien  mesmes  qu'il  a  este,  comme  il  est  vray-semblable,  devant  que  Moyse  fust  nay:  toutesfois  cela  a  este  tousiours  retenu  entre  les  fideles,  que  quand  ils  devoyent  sacrifier  a  Dieu,  ils  ont  eu  quelque  signe  de  purgation,  c'est  a  dire,  de  ��e  nettoyer  de  leurs  ordures,  desquelles  ils  eussent