32:44  vero  Deum  in  Filii  sui  unigeniti  persona  contemnunt,  dicit  propheta  eos  tandem  velint  nolint  sensuros  quam  tremenda  sit  eius  maiestas.  Hoc  enim  intelligit  verbo  videndi:  quia  dum  vident  impii  frustra  se  conari,  vesano  impetu  contra  Deum  quaerere  incipiunt  subterfugia  et  latebras.  Propheta  autem  hac  hebetudine  consequi  posse  negat  ut  se  a  Dei  facie  abscondant.  6.  Annuntiaverunt  coeli  iustitiam  eius,  et  viderunt  omnes  populi  gloriam  eius.  7.  Pudefiant  omnes  servi  sculptilis,  quia  gloriantur  in  figmentis:*)  adorent  coram  eo  omnes  dii.  8.  Audivit  et  laetata  est  Sion,  et  exsultaverunt  filiae  Iuda  propter  iudicia  tua  Iehova.  6.  {Annuntiaverunt  coeli)  Tam  illustrem  fore  Dei  iustitiam  affirmat,  ut  coeli  quoque  futuri  sint  eius  praecones.  Differt  autem  quod  hic  dicitur,  ab  illa  sententia  Psalmi  19,  2:  Coeli  enarrant  gloriam,  ete.  quia  illic  docet  tantum  David  in  coelorum  fabrica  lucere  imaginem  sapientiae  et  potentiae  Dei,  ac  si  eas  Deus  vocali  testimonio  assereret  :  hic  vero  spiritualem  iustitiam  quam  Deus  manifestabit  sub  regno  Christi,  tantam  fore  dicit  ut  coelos  et  terram  impleat.  Ac  multum  vehementiae  habet  ista  prosopopoeia  quum  coelos  de  iustitia  Dei  loquentes  inducit,  ac  si  ad  eos  quoque  penetrasset  eius  sensus.  7.  (Pudefiant  omnes.)  Hic  propheta,  sicuti  proximo  Psalmo,  verum  Deum  ab  omnibus  hominum  figmentis  aperte  discernit,  ne  elogia  quae  protulit,  quisque  ad  commentitiam  deitatem  rapiat.  Facile  admittimus  Deum  laudari  :  sed,  ut  ad  superstitionem  sumus  proclives,  vix  centesimus  quisque  continet  se  in  puro  Dei  cultu:  sed  simulac  fit  Dei  mentio,  labimur  ad  nostra  deliria.  Et  quamvis  quisque  sibi  fingat  peculiarem  deum,  in  tam  confusa  varietate  nobis  placemus.  Haec  ratio  est  cur  tam  sollicite  prophetae,  dum  homines  hortantur  ad  Dei  cultum,  ne  falsos  deos  adorent,  simul  designant  quisnam  sit  verus  Deus.  Sed  in  ordine  prophetae  hoc  quoque  notatu  dignum  est,  non  aliter  evanescere  pravas  superstitiones,  nisi  dum  obtinet  vera  religio.  Nam  quia  pro  sensus  sui  tarditate  ad  verum  Deum  non  perveniunt,  necesse  est  eos  in  suis  mendaciis  errare  :  quae  sola  Dei  cognitio  discutit  ac  purgat,  non  secus  ac  sol  fulgore  suo  tenebras  dispergit.  Ingenita  est  hominibus  religio  aliqua:  sed  quia  talis  est  non  solum  imbecillitas  mentis  nostrae,  sed  etiam  caecitas  ac  stupor,  ut  conceptum  deitatis  sensum  statim  depravet:  hinc  fit  ut  religio  initium  sit  omnium  superstitionum:  non  id  quidem  sua  natura,  sed  quia  obtenebratae  sunt  hominum  mentes,  ut  verum  Deum  ab  idolis  non  discernant.  Simul  autem  ac  innotuit  Dei  veritas,  fugandis  et  procul  abigen-  *)  Inventions,  cn  marge:  ou  idoles.