29:44  cuse.  Or  les  Prophetes  ont  regarde  a  ce  qui  avoit  este  prophetise  par  Moyse  auparavant.  Et  ainsi  le  tout  revient  la,  que  les  Iuifs  qui  devoyent  glorifier  Dieu,  qui  devoyent  en  toute  leur  vie  n'avoir  autre  esgard,  ni  autre  estude,  sinon  de  cheminer  en  toute  purete  de  vie,  qu'ils  n'ont  cesse  de  mai  faire,  et  de  produire  toute  amertume  a  Dieu.  Puis  qu'ainsi  est  donc  il  ne  faut  pas  que  nous  pensions  que  Dieu  leur  face  tort:  ii  ne  faut  pas  aussi  qu'ils  se  plaignent,  quand  il  les  punira  iusques  au  bout,  et  que  sa  vengeance  se  monstrera  sur  eux  plus  grande  et  plus  horrible,  que  sur  toutes  les  nations  du  monde.  Or  donc  ils  recueillent  le  fruict  ,  qu'ils  ont  seme,  et  qu'ils  ont  produit:  que  c'est  bien  raison  que  Dieu  les  traitte  en  telle  rigueur.  Voila  en  somme  ce  que  nous  avons  a  retenir.  Or  pour  appliquer  ceste  doctrine  a  nostre  usage,  notons  en  premier  lieu,  que  quand  nous  cuiderons  avoir  failli  quelque  peu,  ainsi  que  les  hommes  par  hypocrisie,  couvrent  tousiours  leurs  offenses,  ou  qu'ils  pensent  les  amoindrir:  que  Dieu  nous  tiendra  semblables  a  ceux  de  Sodome,  et  de  Gomorrhe.  Et  pourquoy?  ces  povres  aveugles-la  se  sont  abandonnez  en  des  pechez  par  trop  enormes  et  execrables,  ils  se  sont  abrutis,  mais  quoy?  De  nostre  coste  nous  avons  la  clarte  de  vie,  nous  avons  Dieu  qui  nous  appelle  au  chemin  lequel  nous  est  tout  fait,  il  n'est  question  que  de  marcher,  nous  sommes  advertis  de  cheminer  en  l'obeissance  de  Dieu,  et  nous  dedier  a  luy,  comme  il  nous  a  choisis  pour  son  heritage:  apres  tout  cela  si  nous  l'offensons,  encores  que  nos  pechez  fussent  reputez  petits  devant  les  hommes,  ne  sommes-nous  point  coulpables  comme  Sodome  et  Gomorrhe,  attendu  la  rebellion  qui  est  en  nous,  et  que  de  propos  delibere  nous  faisons  la  guerre  a  Dieu?  Et  ainsi,  que  nul  ne  s'abuse,  que  nul  ne  se  flatte,  et  que  nous  sachions  que  nostre  Seigneur  nous  condamnera  tousiours  comme  Sodome  et  Gomorrhe,  c'est  que  Dieu  les  a  saoulez  et  rassasiez,  qu'ils  ont  eu  toute  abondance  de  biens:  et  la  dessus  ils  se  sont  enorgueillis,  et  ont  eu  la  main  close,  qu'ils  n'ont  pas  daigne  secourir  aux  povres  indigens.  En  somme  il  accuse  la  Sodome  et  Gomorrhe  de  trois  choses:  la  premiere  est,  que  quand  Dieu  les  a  fait  prosperer,  ils  ont  este  ingrats,  ils  n'ont  point  pense  d'ou  le  bien  leur  provenoit:  et  puis  il  y  a  eu  l'orgueil,  qu'ils  se  sont  adonnez  a  pompes  et  a  delices  :  il  y  a  le  troisiesme,  la  cruaute  (dit-il)  qu'ils  n'ont  eu  ne  pitie,  ne  compassion  de  leurs  prochains  pour  les  secourir  ayans  de  quoy.  Or  maintenant  regardons  si  nostre  Seigneur  ne  nous  donne  point  assez  d'occasion  de  l'aimer  et  de  le  servir,  quand  il  nous  benit  en  tant  de  sortes?  Et  il  ne  faut  point  regarder  a  ce  qui  appartient  a  la  vie  caduque  et  transitoire,  et  a  la  nourriture  de  nostre  corps:  mais  regardons