27:44  et  toutesfois  il  a  voulu  dominer  par  dessus  vous.  Qui  en  est  cause?  Moyse  l'a  desia  monstre.  Mais  il  adiouste  pour  plus  grande  confirmation,  Dieu  a  prins  une  affection  volontaire  envers  ce  peuple.  Le  premier  mot  dont  il  use,  signifie  quelquefois  adherer,  et  quelquefois  il  signifie  prendre  plaisir.  Or  ici  le  propre  sens  et  naturel  est,  que  Dieu  a  prins  plaisir  en  ce  peuple,  tellement  qu'il  s'est  accointo  d'une  amour  gratuite  avec  luy,  car  il  adiouste  le  mot  d'Aimer  quant  et  quant.  Voila  donc  le  plaisir  volontaire  qui  precede,  et  puis  l'amour  vient  de  la  :  et  c'est  pour  monstrer  que  les  hommes  imaginent  en  vain  qu'il  j  ait  quelque  cause  pourquoy  Dieu  aime  les  uns  "plus  que  les  autres,  sinon  d'autant  que  son  bon  plaisir  est  tel.  Moyse  n'eust  peu  exprimer  cela  plus  clairement,  que  quand  it  dit:  C'est  le  bon  plaisir  de  Dieu.  Voila  bien  la  source:  mais  il  y  a  puis  apres  ceste  amour  qui  vient  de  la.  Apprenons  donc  qu'il  faut  bien  que  Dieu  nous  aime,  et  que  nous  le  sentions  par  effect  en  nous:  toutesfois  qu'il  ne  faut  point  encores  nous  arrester  a  ceste  amour.  Mais  afin  que  nous  sentions  mieux  que  c'est  une  amour  gratuite,  que  nous  venions  iusques  au  plaisir  de  Dieu,  c'esta  dire,  a  cognoistre  qu'il  n'a  point  regarde  ne  ca  ne  la  pour  estre  induit  et  esmeu  a  telle  affection  :  mais  qu'il  a  cerche  la  cause  en  soy:  et  d'autant  que  il  luy  a  pleu,  il  l'a  ainsi  voulu.  Voila  donc  ce  que  Moyse  a  declaire  en  ce  passage.  Or  pource  que  nous  ne  pouvons  pas  maintenant  passer  plus  outre,  retenons  seulement  ceste  doctrine,  c'est  que  toutes  fois  et  quantes  qu'on  nous  parle  de  nostre  salut,  qu'il  ne  nous  faut  point  cercher  la  cause  ailleurs  qu'en  Dieu:  et  apres  ce,  qu'estans  desnuez  de  tout  bien,  nous  confessions  que  nous  sommes  du  tout  maudits,  sinon  que  Dieu  ayant  pitie  de  nous,  et  nous  voulant  faire  merci,  nous  retire  de  la  malediction  ou  nous  sommes:  et  d'autant  qu'il  nous  convie  et  nous  appelle  au  salut  qu'il  nous  a  acquis  si  cherement,  nous  ne  doutions  point  qu'il  ne  nous  y  face  parvenir,  voire  moyennant  que  u  o  us  demourions  fermes  en  son  alliance.  Mais  d'autant  que  nous  ne  pouvons  pas  avoir  une  telle  constance  de  nous  mesmes:  qu'il  nous  maintienne,  et  fortifie  par  son  8.  Esprit:  afin  que,  sentans  en  nous  sa  vertu,  nous  soyons  tant  plus  incitez  a  le  servir,  n'estans  point  ingrats  a  une  telle  bonte  qu'il  nous  a  monstree.  LE  QUATRIESME  SERMON  SUR  LE  CHAP.  X.  V.  15.17.  DU  VENDRE  Dr  13E  DE  SEPTEMBRE  1555.  Nous  avons  a  deduire  plus  au  long  la  sentence  qui  fut  hier  commencee:  c'est  que  Moyse  declaire