26:44  sur  c'est  article-la.  Mais  maintenant  venons  au  second:  c'est  assavoir,  comme  Dieu  endurcit  les  hommes  sans  qu'il  soit  mesle  parmi  leurs  pechez.  Or  notons,  quelque  fois  que  les  causes  seront  apparentes.  Quand  Dieu  punira  les  hommes,  il  faut  confesser  qu'il  est  iuste.  Voila  pour  un  item.  Or  est-il  ainsi  que  c'est  un  moyen  qu'il  ha  de  punir  les  hommes,  quand  il  les  aveugle,  et  qu'il  les  endurcit,  qu'il  leur  envoye  esprit  de  forcenerie,  quand  ii  les  livre  a  Satan.  Voila  donc  des  signes  de  l'ire  et  de  la  vengeance  de  Dieu.  Et  pourtant  s'il  y  ha  cause  precedente,  il  nous  le  faut  glorifier.  Et  pourquoy?  Il  fait  office  de  iuge:  et  en  cela  il  n'y  ha  que  reprendre  ne  mordre  en  luy.  Il  est  dit:  Que  Dieu  envoyera  esprit  de  stupidite  aux  hommes.  Et  pourquoy?  car  ils  ont  abuse  de  sa  bonte,  et  de  l'instruction  qu'il  leur  avoit  donnee.  Quand  nous  voyons  ceste  cause-la  qui  a  precede,  c'est  assavoir,  que  les  hommes  ont  ferme  les  yeux  a  leur  escient,  qu'ils  n'ont  point  voulu  ouyr,  ni  accepter  nulle  doctrine,  que  plustost  ils  ont  tasche  d'aneantir  toute  la  verite  de  Dieu:  n'est-ce  pas  raison  qu'ils  soyent  mis  en  esprit  de  forcenerie?  d'avantage  ils  ont  voulu  estre  fins  pour  se  mocquer  de  Dieu  :  comme  nous  voyons  ces  gaudisseurs  qui  se  mocquent  tousiours,  et  leur  semble  que  Dieu  soit  comme  un  petit  enfant:  la  dessus  il  les  reprouve  du  tout,  en  sorte  qu'ils  sont  abbrutis.  Quand  donc  ii  y  ha  ceste  cause,  nous  voyons  que  Dieu  exerce  son  iuste  iugement,  et  qu'il  punit  les  hommes  en  telle  sorte:  que  pouvons-nous  sinon  le  glorifier?  Voila  pour  un  item.  Or  il  est  vray,  quelquefois  il  y  aura  des  causes  speciales  ;  mais  ce  que  sainct  Paul  dit  au  premier  chapitre  des  Romains  s'estend  bien  loin.  Car  la  nous  voyons  que  Dieu  pourra  aveugler  tout  le  monde  a  iuste  raison,  et  qu'il  fera  office  de  iuge  cependant.  Et  pourquoy?  combien  que  les  payens  n'ayent  nulle  doctrine  qui  leur  soit  annoncee:  si  estnse,  que  le  ciel  et  la  terre  parlent  suffisamment  a  eux,  d'autant  que  Dieu  se  manifeste  la.  Or  qui  sont  ceux  qui  honorent  Dieu,  et  qui  le  servent  quand  ils  iouissent  des  biens  qu'il  leur  fait  en  ce  monde?  Tous  sont  ingrats,  tous  sont  malins:  nous  gourmandons  ici  les  richesses  de  Dieu,  et  cependant  nous  ne  regardons  pas  combien  nous  sommes  tenus  a  luy,  pour  le  moins  de  luy  faire  hommage.  Et  ainsi,  c'est  raison  qu'il  mette  les  hommes  en  sens  reprouve,  comme  sainct  Paul  en  parle  la,  qu'il  les  livre  en  des  meschantes  concupiscences,  qu'ils  s'oublient  eux-mesmes,  et  qu'ils  se  iettent,  et  s'abandonnent  a  toute  villenie,  et  a  choses  honteuses  et  execrables.  Et  pourquoy?  Car  ils  n'ont  point  honore  le  Createur  qui  les  avoit  formez,  et  qui  s'estoit  monstre  tant  benin  envers  eux,  et  si  pitoyable.  Et  ainsi,  toutes  fois  et  quantes  que  Dieu  endurcit  les  hommes,  il  nous  faut  penser  qu'il  ha  iuste  raison  de  ce  faire,  a  cause  que  nostre