[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


24:44  comprehensibilis  essentiae  fit  mentio.  Etsi  autem  de  hac  aeternitate  magnifice  disserunt  philosophi,  et  Plato  constanter  affirmet,  Deum  proprie  esse  TO  OV,  hoc  tamen  elogium  non  scite,  neque  ut  decet,  in  suum  usum  accommodant,  nempe  ut  unicum  esse  Dei  absorbeat  quascunque  imaginamur  essentias:  deinde  ut  accedat  simul  summum  imperium  et  potestas  gubernandi  omnia.  Unde  enim  falsorum  Deorum  turba,  nisi  quod  pravis  figmentis  divisum  numen  in  partes  impie  laceratur?  Ergo  ut  solide  apprehendamus  unum  Deum,  scire  primum  necesse  est,  quidquid  in  coelis  est  vel  in  terra,  precario  suam  essentiam  vel  subsistentiam  ab  uno  qui  solus  vere  est,  mutuari.  Ex  illo  autem  esse  nascitur  et  posse:  quia  si  Deus  omnia  virtute  sustinet,  arbitrio  quoque  suo  regit.  Et  quid  profuisset  Mosi  arcanam  Dei  essentiam  quasi  coelo  inclusam  speculari  nisi  de  eius  omnipotentia  factus  certior  clypeum  fiduciae  sibi  inde  fecisset?  Docet  ergo  Deus  se  unum  esse  sacrosancto  nomine  dignum,  quod  perperam  ad  alios  translatum  profanatur  :  deinde  immensam  suam  virtutem  commendat,  ne  dubitet  Moses  sub  eius  auspiciis  se  fore  omnium  victorem.  De  nomine  Iehova,  quod  ex  hac  radice  deductum  est,  videbimus  sexto  capito.  15.  Et  dixit  rursum  Deus  ad  Mosen:  Sic  dices  filiis  Israel,  Iehova  Deus  patrum  vestrorum,  Deus  Abrahae,  Deus  Isaac,  et  Deus  Iacob,  misit  me  ad  vos  :  Hoc  est  nomen  meum  in  perpetuum,  et  memoriale  meum  in  saeculum  et  saeculum.  16.  Vade  et  congrega  seniores  Israel,  et  dices  illis  :  Iehova  Deus  patrum  vestrorum  apparuit  mihi,  Deus  Abrahae,  Isaac  et  Iacob,  dicendo:  Recordando  recordatus  sum  vestri,  et  quid  vobis  factum  fuerit  in  Aegypto.  17.  Propterea  dixit  Educam  vos  ex  afflictione  Aegypti  ad  terram  Chananaei,  et  Hitthaei,  et  Amorrhaei,  et  Pheresaei,  et  Hivaei,  et  Iebusaei,  ad  terram  fluentem  lacte  et  melle.  15.  Et  dixit  rursum.  Iterum  ex  foedere  quod  pepigerat  cum  Abraham  et  eius  posteris  cognomen  sibi  Deus  assumit:  ut  sciant  Israelitae  se  non  hallucinari  in  Deo  incerto,  modo  a  patrum  pietate  non  degenerent:  et  quemadmodum  ad  vexillum  conveniunt  milites,  ut  ordinem  servent,  ita  iubet  eos  respicere  in  peculiarem  adoptionis  gratiam,  ut  sciant  electum  se  esse  divinitus  populum,  quia  sunt  Abrahae  filii:  ac,  ne  in  Deo  quaerendo  vagentur,  his  illos  cancellis  circumdat.  Scimus  enim,  quidquid  de  divinitate  persuasum  fuit  inter  gentes,  non  solum  multis  erroribus  fuisse  implicitum,  sed  ambiguum  quoque:  ut  semper  fluctuarent  inter  receptas  opiniones.  Aliam  religionem  exigit  Deus  a  populo  suo,  nempe  in  cuius  certitudine  gradum  figant.  Ad  haec  longa  in  Aegypto  habitatio,  quanquam  non  deleverat  notitiam  veri  Dei,  illam  tamen  manifesta-  

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci