22:44  teur  ne  sa  chambriere,  ne  son  beuf  ne  san  asne,  ne  nulles  des  choses  qui  sont  a  luy.  Par  cecy  le  Seigneur  mect  comme  une  bride  a  toutes  noz  cupiditez,  lesquelles  oultrepassent  les  limites  de  charite.  Car  tout  ce  que  les  aultres  commandemens  deffendent  de  commectre  par  oeuvre  contre  la  reigle  de  dilection,  cestuy  cy  deffend  de  le  concevoir  au  cueur.  Pourtant  en  ce  commandement  sont  condamnees  hayne  envye  malveillance,  tout  ainsi  comme  auparavant  homicide.  L  affection  lubrique  et  interieure  souilleure  du  cueur  sont  autant  deffendues  comme  scortations.  Ou  par  avant  rapacite  et  finesse  estoit  prohibee,  icy  Iest  avarice:  ou  devant  le  mal  dire  a  este  interdici,  icy  la  malignite  mesmes  est  comprimee.  Nous  voyons  combien  la  sentence  de  ce  commandement  est  generale  et  combien  elle  sestend  au  long  et  au  large.  Car  le  Seigneur  requiert  une  affection  merveilleuse  et  souverainement  bruslante  de  lamour  des  freres,  laquelle  certes  il  ne  veult  mesmes  par  aucune  cupidite  estre  esmeue  contre  le  bien  et  proffit  du  prochain.  Ceste  doncq  est  la  somme  de  ce  commandement:  que  nous  devons  estre  tellement  affectionnez  que  nous  ne  soyons  chatouillez  daucune  cupidite  contraire  a  la  loy  de  dilection,  et  que  nous  soyons  prestz  de  rendre  tresvoluntiers  a  un  chascun  ce  qui  est  sien.  Or  il  nous  fault  estimer  envers  un  chascun  que  cela  est  sien  que  nous  sommes  tenuz  de  luy  rendre  du  devoir  de  nostre  office.  La  somme  de  la  Loy.  Or  nostre  Seigneur  Jesus  Christ  nous  a  assez  declaire  a  quoy  tendent  tous  les  commandemens  de  la  Loy,  quand  il  a  enseigne  toute  la  Loy  estre  comprinse  en  deux  chappitres.  Le  premier  est  que  nous  aymions  de  tout  nostre  cueur,  de  toute  nostre  ame  et  de  toute  nostre  puissance  le  Seigneur  nostre  Dieu.  Le  second  est  que  nous  aymions  nostre  prochain  autant  comme  nous  mesmes.  Laquelle  interpretation  il  a  prinse  de  la  Loy  mesme,  car  la  premiere  partie  est  au  Deuteronome  6,  et  on  voit  lautre  au  Levitique  19.  Que  cest  quil  nous  Tient  de  la  Loy  seule*  Voila  lexemplaire  dune  iuste  et  saincte  vie,  et  mesme  une  tresparfaicte  image  de  iustice:  tellement  que  si  quelchun  exprime  en  sa  vie  la  Loy  de  Dieu,  il  ne  luy  deffauldra  rien  devant  le  Seigneur  de  ce  qui  est  requis  a  perfection.  Pour  laquelle  chose  testifier  non  seulement  il  promect  a  cieux  qui  auront  accomply  sa  Loy  ces  grandes  bene-