21:44  44  il  protesta  que  tousiours  il  avoit  este  conioint  de  vraye  affection  avec  la  compagnie  des  freres,  et  pria  qu'on  luy  pardonnast  si  quelques  fois  on  avoit  veu  en  luy  quelque  chagrin  durant  la  maladie:  et  remercia,  comme  souvent  ii  avoit  fait,  de  ce  qu'on  avoit  soustenu  sa  charge  quant  a  prescher.  Finalement  il  bailla  la  main  a  tous  l'un  apres  l'autre:  ce  qui  fut  avec  telle  angoisse  et  amertume  de  coeur  d'un  chacun,  que  ie  ne  scaurois  mesmes  le  me  ramentevoir  sans  une  extreme  tristesse.  Le  second  de  May  ayant  receu  lettres  de  M.  Guillaume  Farel,  ministre  a  Neufchastel,  duquel  il  a  souvent  este  parle  ci  dessus,  et  [page  56]  scachant  qu'il  deliberoit  de  le  visiter  estant  octogenaire  ou  plus,  il  luy  rescrivit  ceste  lettre:  Bien  vous  soit,  tresbon  et  trescher  frere,  et  puis  qu'il  plaist  a  Dieu  que  demeuriez  apres  moy,  vivez  vous  souvenant  de  nostre  union  de  laquelle  le  fruict  nous  attend  au  ciel  comme  elle  a  este  profitable  a  l'Eglise  de  Dieu.  Ie  ne  veux  point  que  vous-vous  travailliez  pour  moy.  Ie  respire  a  fort  grand'  peine,  et  attends  d'heure  un  heure  que  l'haleine  me  faille.  C'est  assez  que  ie  vi  et  meurs  a  Christ  qui  est  gain  pour  les  siens  en  la  vie  et  en  la  mort.  Ie  vous  recommande  a  Dieu  avec  les  freres  de  par  dela.  De  Geneve  ce  2.  de  May  1564.  Le  tout  vostre  Iean  Calvin.  De  la  en  avant  sa  maladie  iusques  a  la  mort  ne  fut  qu'une  continuelle  priere,  nonobstant  qu'il  fust  en  douleurs  continuelles,  ayant  souvent  en  sa  bouche  ces  mots  du  Pseaume  39:  Tacui  Domine  quia  fecisti  j  Ie  me  tay  Seigneur,  pource  que  c'est  toy  qui  l'as  faict.  Une  autre  fois  il  disoit  du  chapitre  38  d'Isaie:  Gemebam  sicut  columba,  Ie  gemi  comme  la  colombe.  Une  autre  fois  parlant  a  moy  il  s'escria  et  dit:  Seigneur,  tu  me  piles,  mais  il  me  suffit  que  c'est  ta  main.  Plusieurs  desiroyent  le  venir  voir,  et  eust  [page  57]  falu  tenir  la  porte  ouverte  iour  et  nuict  qui  eust  voulu  obtemperer  au  desir  d'un  chacun.  Mais  luy  prevoyant  cela  et  cognoissant  que  sa  courte  halaine  ne  luy  eust  permis  de  faire  ce  qu'il  eust  voulu:  d'avantage  aussi  n'ayant  pour  agreable  la  curiosite  de  plusieurs,  avoit  requis  qu'on  se  contentast  de  prier  Dieu  pour  luy  et  qu'on  le  laissast  en  quelque  repos.  Mesmes  quand  ie  le  venois  voir,  encores  qu'il  me  vist  bien  volontiers,  si  est-ce  que  scachant  les  charges  que  i'avois  il  me  donnoit  assez  a  entendre  qu'il  ne  vouloit  point  que  son  particulier  m'occupast  en  facon  quelconques,  tellement  qu'en  prenant  conge  de  moy  il  m'a  dit  quelque  fois  qu'il  faisoit  [fol.  l  l  ]  conscience  de  m'occuper  tant  soit  peu,  encores  qu'il  fast  resiouy  de  me  voir.  Mais  son  naturel  avoit  tousiours  este  tel,  de  craindre  de  retarder  tant  soit  peu  le  profit  de  l'Eglise  et  de  donner  peine  quelle  qu'elle  fust  a  ses  amis,  encores