20:44  D.  Ioanni  Calvino  ecclesiae  Genevensis  pastori  fidelissimo  ac  fratri  suo  in  Christo  carissimo.  Genevae.  S.  D.  Multum  tuae  pietati,  clarissime  D.  Calvine,  atque  adeo  universae  vestrae  ecclesiae  debemus,  qui  D.  Gallasii  viri  doctissimi,  copiam  tam  diu  nobis  fecistis,1)  qui  et  ecclesiam  suam,  quam  adveniens  valde  perturbatam  invenit,  D.  Cognato2)  successori  suo  pacatam  ac  bene  iustitutam  reliquit,  et  mihi  nostrisque  ecclesiis  consilio  ac  prudentia  magnopere  profuit.  Equidem  non  libenter  illum  dimisissemus,  nisi  iustiores  discedendi  causas  haberet  quam  optamus.  Coelum  nostrum  ipsius  constitutioni  parum  (ut  videtur)  conveniens  valetudinem  eius  valde  afflixit  et  coniuge  carissima  (ut  de  liberis  interim  taceam)  orbavit  :  adeo  ut  quem  nunc  reddimus  valetudinarium,  si  alteram  hyemem  apud  nos  egisset,  verendum  esset  ne  non  omnino  redderemus.  Valde  igitur  erat  necessarium  ut  ad  pristinum  aerem  ad  valetudinem  recuperandam  rediret.  Nihil  autem  magis  in  votis  habemus  quam  ut  uterque  vestrum  in  communi  patria  evangelium  libere  annunciare  possitis.  Hoc  etsi  isto  rerum  statu,  partim  propter  quorundam  cunctationem  vel  potius  tarditatem,  partim  propter  aliorum  praeproperam  (ne  quid  gravius  dicam)  transactionem,  minime  sperandum  esse  videatur,  tamen  non  dubitamus  quin  Deus  ipse  rationibus  nobis  incognitis,  ut  non  gloriemur  in  hominibus,  hoc  totum  negotium  feliciter  sit  confecturus*  Doleo  ex  animo  te  ista  aetate  et  tam  tenui  corpore  in  podagricos  dolores  (nam  ita  mihi  retulit  Gallasius)  incidisse.  Non  dubito  autem  quin  studiorum  ac  laborum  intemperantia  quadam  hoc  malum  tibi  contraxeris.  Posthac  igitur  remittendum  est  tibi  aliquid  de  pristinis  laboribus  et  lucubrationibus  intempestivis,  ne  dum  tibi  non  parcis  morbum  in  immensum  augeas  et  ecclesiae  minus  prosis.  Intuere  in  Nazanzenum  *,  qui  dum  de  vitae  austeritate,  quam  iuvenis  utcunque  sustinebat,  aetate  provectior  nihil  remittit  perpetuo  fere  decumbere  est  coactus  et  ista  ratione  ecclesiae  minus  utilis  redditus.  Quia  tu  cum  Bullingero  ex  primis  illis  columnis  paene  soli  superastis,  vobis  quam  diutissime  (si  ita  Domino  visum  fuerit)  frui  cupimus.  Brentium  studio  praetereo,  qui  nunc  suscepto  pessimae  causae  patrocinio  non  videtur  nos  amplius  pro  fratribus  agnoscere.  3969.1)  reducem  Genevae  a.  d.  F.  Non.  Iul  sistit  Eeg.  du  Conseil.  Postea  Aureliam  se  contulit  2)  Io.  Cousin,  minister  fuerat  apud  Cadomenses  quibus  missum  dicit  Reg.  de  la  Comp.  m.  Maio  1559.  lam  a.  1560  s.  1561  Londinum  se  contulerat,  tum  a.  1562  rursus  Cadomum.  Postea  diu  Londini  mansit.  (Zur.  Letters  IL  N.  66.  Bulle-  Un  VI.  190.  XL  25.  Haag  IV.  101.)