19:44  praefatione  dicanda  studium  vobis  placuisse  quam  dum  ex  illis  intelligo  memoriam  dedisse  magnae  offensionis.  Expostulatis  2)  mecum  quod  Georgium  Blandratam  singularem  vestrum  amicum,  et  compatrem  carissimum,  durius  perstrinxerim  :  de  hac  privata  offensione  facilis  et  prompta  est  excusatio,  me  nihil  tale  fuisse  suspicatum.  Certe  nunquam  divinassem  tanto  in  pretio  apud  vos  fore  hominem  nihili.  Et  quoniam  vos  non  minus  praeclara  apud  omnes  existimatione  quam  dignitate  et  potentia  florere  cupio,  mihi  non  parum  dolet  obliquis  suis  artibus  ita  eum  obrepsisse  in  vestram  gratiam.  Si  mihi  credibile  fuisset,  hominem,  cuius  mihi  comperta  erat  impietas,  vobis  esse  familiarem,  certe  privata  admonitione  fuissem  contentus,  idque  nomini  vestro  dedissem.3)  Sed  aliorum  potius  causa  publice  traducendum  esse  censui,  ut  sibi  omnes  a  peste  tam  noxia  caverent.  Ergo  praecipua  indignationis  causa  evanuit:  quia  mihi  nihil  minus  fuit  propositum,  quam  famam  vestram  oblique  laedere,  quum  verba  me  facere  putarem  de  homine  vobis  incognito,  vel  saltem  qui  nullo  amicitiae  vel  necessitudinis  gradu  vos  attingeret.  Sed  vobis  est  amicus.  An  maiore  in  gradu  quam  Iudas  apud  Christum  ?  Si  non  parcimus  Christi  discipulo,  quin  ob  suam  perfidiam  omnibus  fiat  detestabilis,  non  plus  indulgentiae  merentur  principum4)  amici.  Sed  ne  taedio  sit  epistolae  prolixitas,  breve  historiae  compendium  descripsi,  5)  ex  quo  facile  cognoscat  vestra  Celsitudo,  6)  meritone  an  iniuste  detexerim  occultum  venenum,  ne  diutius  clam  grassando  multos  in  Polonia  inficeret.  Neque  enim  odio  vel  aemulatione  vel  invidia  ad  publicandum  obscuri  hominis  dedecus  impulsus  sum  :  sed  quia  fratres  mihi  carissimos  silentio  et  dissimulatione  prodere  nefas  esse  duxi.  Quod  si  resipiscat,  nulla  in  me  erit  mora  quin  praeteriti  temporis  memoria  sepeliatur.  Si  autem  pertinaciter  contendit  sibi  factam  esse  iniuriam,  quasnam  mihi  relinquit  partes,  nisi  ut  mihi  sit  pro  obstinato  haeretico?  Sicuti  mihi  optabile  est  pro  mea  erga  vos  observantia  studiose  votis  vestris  obsequi,  ita  vestram  excellentiam  rogatam  esse  velim,  ut  inprimis  caveatis  ne  sibi  ianuam  aperiat  Blandrata  ipse,  vestra  autoritate  adductus.  Aliud  remedium  non  video.  Sed  fortasse  ubi  de  re  tota  redditi  fueritis  certiores,  mutare  iudicium  non  pigebit.  Quod  si  mihi  nihil  tribuitis,  saltem  fidem  meretur  testimonium  Italicae  ecclesiae  quae  apud  nos  est,7)  et  D.  Petri  Martyris.  7)  N.  3562.  2)  Hinc  incipiunt  ead.,  ubique  tamen  plurali  numero  in  singularem  mutato:  Quod  mecum  expostulas  caett  Item  Celsitudo  et  Excellentia  exsulant.  3)  et  non  publice  in  dedicatione  Actuum  ap.  eum  notassem.  4)  pro  principum,  edd.  praebent:  cuiusquam.  5)  Vide  N.  3563.  6)  edd.  simpliciter:  cognoscas.