16:44  magis  abrupit  quam  praecisus  vester  ille  in  negando  rigor.  Iam  exulcerati  erant  animi  quod  vos  suis  hostibus  patrocinari  viderant.6)  Minaces  etiam  et  aculeatae  istinc  literae  venerant,  unde  colligi  potuit  libenter  insultandi  occasionem  arripi.  Dolebat  etiam  improbis  et  damnatis  tantum  permitti  ad  maledicendum  licentiae,  quum  foederis  religio  ultro  citroque  nos  ad  tuendum  mutuum  honorem  obliget.  Denique  quum  oblatam  mitigationem  recusastis  germani  ce  scribendo,7)  quod  antehac  nunquam  factum  fuerat,  visi  estis  quasi  data  opera  apertum  prae  vobis  contemptum  ferre.  Qui  autem  viribus  inferior  est,  suspiciosus  est  ut  plurimum.  Et  illud  Terentii  nosti  :  Quibus  res  sunt  minus  secundae,  eos  accipere  in  suam  contumeliam  omnia.  Et  tamen  nunc  cognosces,  postquam  nostri  suo  iudicio  parum  humaniter  accepti  fuerunt,  nihil  tamen  hostile  tentasse  ut  suis  rebus  consulerent:  quin  potius  quam  tu  optas  reconciliationem  per  communes  amicos  captasse.  Hic  nostros  de  venationibus  et  eiusmodi  8)  quisquiliis  pertinacius  rixari  nolim,  et  parati  etiam  sunt  audire  quid  detractum  velitis.  Caeterum  quia  metuo  ne  se  iurisdictione  spoliari  aegre  ferant9)  [quam  hactenus  tenuerunt]  10)  commodissima  esset  permutatio,  ad  quam  semper  pro  virili  sum  hortatus.  11)  In  hoc  cardine  quum  nunc  versemur,  non  dubito  quin  actionem  quae  votis  tuis  respondet  modis  omnibus  iuvare  studeas.  Nam  et  literae  tuae  testantur  ex  flamma  desiderii  accensum  tibi  esse  bonae  spei  fulgorem,  qui  te  ad  tentanda  omnia  diriget.  Quare  non  est  quod  sponte  currentem  exhortationum  mearum  stimulis  pungam.  Ego  hic  cursum  meum  persequi12)  non  desistam,  ut  tandem  intelligas  hoc  sancto  vinculo,  cui  annexa  est  publica  urbis  nostrae  salus,  propriam  vitam  mihi  non  esse  cariorem.  Quae13)  mihi  antehac  cunctandi  fuerit,  causa  quominus  te  interpellarem,  satis  divinas.  Aditus  scilicet  mihi  erat  praeclusus.  Nam  ad  alios  crucia-  6)  Adeo  quidem  ut  ex.  gr��  Philib.  Bertelerius  in  praefectura  Terniacensi  aperta  vi  uti  sibi  permittere  potuerit,  de  quo  Genevenses  d.  24.  lan.  Bernae  questi  sunt  {Ruchat  VL  183.  cf.  p.  141  ss.)  Ipsi  Helvetii  qui  mediatorum  partes  susceperunt  Bernensium  agendi  modum  non  probabant.  7)  En  premier  lieu  nous  sommes  esbahys  de  ce  que  ils  nous  escripvent  contre  leur  bonne  coustume  en  allemant,  dont  nous  les  prions  continuer  que  du  passe.  (Reg.  du  C.  18.  Janv.)  8)  talibus  H,  9)  Vide  Hallerum  N.  2397.  (Reg.  du  Cons.  31.  Dee.  16.  lan.)  10)  autogr.  in  margine.  11)  scil.  earum  partium  quae  utriusque  civitatis  ditioni  subiectae  erant,  et  %n  quibus  Genevenses  reis  manum  iniiciendi  potestatem  hucusque  exercuerant,  quod  in  posterum  ipsis  denegabatur.  12)  pergere  jff.  13)  Totum  hoc  comma  autogr.  in  margine.