9:439  439  GRATULATIO  440  mini  non  habeo:  consilium  autem  do,  tanquam  misericordiam  consequutus  a  Domino,  ut  sim  fidelis  (ib.  v.  25).  Quid?  Dum  evangelium  nominat  suum  (Hom.  2,  16),  an  Christo  quidquam  derogat?  quin  potius  sumit  pro  confesso  quod  alibi  dicit:  An  experimentum  eius  quaeritis  qui  in  me  loquitur  Christus?  (2.  Cor.  13,  3.)  Quod  si  quid  insectatione  dignum  est  in  verbis  Calvini,  Lucas  ei  suo  exemplo  ad  defensionem  sufficiet,  qui  sic  in  totum  evangelium  praefatur:  Quoniam  multi  aggressi  sunt  texere  narrationem,  ete  visum  est  et  mihi  ex  ordine  tibi  omnia  scribere  (Luc.  1,  1).  Nunc  quidquid  petulantiae  in  me  exserit  Gabriel,  sustineat  Lucas.  Quanquam  plenior  suppetit  cavilli  dilutio.  Neque  enim  illic  praecipue  de  capite  aliquo  religionis  agitur,  sed  de  speciali  verborum  sensu,  in  quo  libertas  interpretibus  semper  hac  lege  permissa  [pag.  27]  fuit,  ut  meminisset  quisque,  spiritus  prophetarum  prophetis  subiectos  esse  (1.  Cor*  14,  32).  An  modestia  canis  latratu  in  miram  arrogantiam  et  fastum  vertetur?  Caeterum  quasi  ad  se  reversus,  contendit  paulo  post  falso  citari  a  Calvino  locum,  quod  spiritus  sanctus  vocetur  columba:  quum  dicant  tres  evangelistae:  Vidi  spiritum  sanctum  descendentem  quasi  columbam  (Matth.  3,  16;  Marc.  1,  10;  Ioann.  1,  32).  Ergo  mentitus  es,  et  improbe  calumniatus,  sine  scriptura  Calvinum  loqui.  Quam  bella  vero  refutatio:  Non  vocari  spiritum  sanctum  columbam,  quoniam  addatur  particula  similitudinis.  An  quia  grammaticae  elementa  non  tenes,  ideo  homini  non  tam  indocto,  latineque  loquenti,  luenda  est  inscitiae  tuae  poena?  Huc  tendunt  Calvini  verba:  nomen  spiritus  impositum  fuisse  columbae.  Spiritum  invisibilem  esse  constat:  eum  quomodo  vidit  Baptista,  nisi  in  figura  visibili?  Absurda  erit  loquutio,  nisi  metonymicam  esse  concedas.  Et  rursus  obgannies,  Calvinum  sine  scriptura  loqui,  ac  non  potius  lucem  pertaesus,  te  in  alicuius  scorti  gremium  abdes?  Pergamus  tamen  in  recitandis  rabulae  naeniis,  ut  eius  ambitio  saturetur,  quando  in  faciem  Dei  spuendo  voluit  innotescere.  Dicit  Calvinum  privata  sua  sententia  figuram  asserere  in  Christi  verbis,  Hoc  est  corpus  meum.  Quid  ergo  fiet  Tertulliano,  Chrysostomo,  Basilio,  Augustino,  et  reliquis,  qui  omnes  uno  consensu  [pag.  28]  idem  tradunt?  Quod  si  quis  figuram  non  admittat,  an  non  palam  refragantur  verba  ipsa?  Quid  enim  est  tibi  pronomen  demonstrativum,  Gabriel?  Panis  species  scilicet.  An  albedo  illa  corpus  est  Christi?  Deinde  an  calix  sanguis?  Quando  sub  magistri  ferula  puer  tam  male  profecisti,  quis  non  flagris  et  fustibus  in  pistrino  multandum  censeatl)  Ad  haec  reprehendit,  panem  €t  vinum  vocari  tesseram  carnis  et  sanguinis  Christi  :  1)  il  doit  estre  instruit  avec  belles  estrivieres  ou  attache  pour  tourner  le  moulin.