8:439  439  QUATRE  SERMONS.  440  beaucoup  dc  choses  peuvent  advenir  avec  le  temps  et  adviennent  de  faict,  lesquelles  pourroyent  descourager  ceulx  qui  auroyent  eu  un  grand  zele.  Ceulx  qui  se  rangent  aux  Eglises  [f.  70]  de  Dieu  ne  sont  pas  tousiours  receus  comme  ils  le  meritent.  Souvent  l'ordre  est  perverti,  en  sorte  que  ceulx  qui  seroyent  dignes  d'estre  les  plus  avancez  sont  reculez.  Telle  tentation  seroit  pour  les  faire  aussi  reculer  de  leur  salut  en  delaissant  le  bon  train  qu'ils  ont  commence,  s'ils  ne  prenoyent  leur  contentement  d'estre  plustost  les  derniers  et  les  plus  contemptibles  en  la  maison  de  Dieu,  que  d'en  estre  forclos.  Ainsi  que  tous  bons  fideles  n'ayans  point  ce  qu'ils  pourroyent  bien  souhaiter,  mais  au  contraire  se  sentans  fasehez  en  beaucoup  de  sortes  pour  avoir  quiete  leur  pais,  apprennent  de  se  consoler  en  ce  seul  mot:  Si  sommes-nous  toutesfois  en  la  maison  de  Dieu.  Maintenant,  que  les  mondains  se  mocquent  de  nous  tant  qu'ils  vouldront,  et  qu'ils  nous  blasonnent  en  leur  orgueil  comme  gens  mesprisez,  e'est  assez  que  Dieu  nous  fait  cest  honneur  de  nous  tenir  de  son  Palais  et  de  son  Sanctuaire.  Nous  voyons  quelle  peine  prennent  ces  fols  ambicieux  pour  estre  advouez  de  la  maison  de  quelque  prince,  et  se  reputent  bien-heureux  s'ils  peuvent  entrer  soulement  en  la  cuisine  et  en  la  salle.  Or  quand  nous  serons  les  plus  reiectez  qu'il  est  possible  de  dire  selon  le  monde,  moyennant  que  nous  soyons  de  l'Eglise  de  Dieu,  il  nous  introduit  avec  telle  privaute  aux  grans  secrets  et  admirables  de  sa  sagesse,  comme  un  pere  se  communique  a  ses  enfans.  Nous  sommes  trop  mal  gracieux  si  ceste  recompense  ne  nous  satisfait.  Vray  est  que  les  fideles  pourront  bien  estre  tentez  et  picquez  quand  leurs  affaires  iront  en  arriere  et  que  les  meschans  triompheront  en  toute  prosperite:  mais  quand  ils  considerent,  a  l'opposite,  que  Dieu  les  a  choisis  de  sa  maison  et  qu'il  les  y  retient,  ceste  consolation  vault  bien  peu,  si  elle  n'est  pour  appaiser  tous  les  regrets  et  ennuis  dont  ils  peuvent  estre  agitez.  Et  de  faict,  ceulx  qui  murmurent  et  se  despitent  pour