6:439  TRAICTE  DES  RELIQUES.  sont  a  Rome:  la  moytie  en  l'eglise  sainct  Pierre,  et  l'autre  moytie  a  sainct  Paul.  Et  disent  que  sainct  Silvestre  les  poysa,  pour  les  destribuer  ainsi  en  egales  portions.  Les  deux  testes  sont  aussi  a  Rome,  a  sainct  Iehan  de  Latran.  Combien  qu'en  la  mesme  eglise  il  y  a  une  dent  de  sainct  Pierre  a  part.  Apres  tout  cela,  on  ne  laisse  point  d'en  avoir  des  os  par  tout;  comme  a  Poyctiers,  on  a  la  maschoire  avec  la  barbe;  a  Trier,  plusieurs  os  de  l'un  et  de  l'autre;  a  Argenton  en  Berry,  une  espaule  de  sainct  Paul.  Et  quand  seroit  ce  faict?  Car  par  tout  ou  il  y  a  eglise  qui  porte  leurs  noms,  il  y  en  a  des  reliques.  Si  on  demande  quelles,  qu'on  se  souvienne  de  la  cervelle  de  sainct  Pierre,  dont  i'ay  parle,  qui  estoit  au  grand  autel  de  ceste  ville.  Tout  ainsi  qu'on  [page  78]  trouve  1)  que  c'estoit  une  pierre  d'esponge,  ainsi  trouveroit  on  beaucoup  d'os  de  chevaux  ou  de  chiens,  qu'on  attribue  a  ces  deux  Apostres.  Avec  les  corps,  il  y  a  suite.  2)  A  sainct  Salva  -  dor  en  Hespaigne,  ilz  en  ont  une  pantouffle.  De  la  forme  et  de  la  matiere,  ie  n'en  puis  respondre;  mais  il  est  bien  a  presumer  que  c'est  une  semblable  marchandise  que  celles  qu'ilz  ont  a  Poitiers,  lesquelles  sont  d'un  satin  broche  d'or.  Voyla  comment  on  le  faict  brave  apres  sa  mort,  pour  le  recompenser  de  la  povrete  qu'il  a  eue  sa  vie  durant.  Pource  que  les  evesques  de  maintenant  sont  ainsi  mignons  quand  ilz  se  mettent  en  leur  pontificat,  il  leur  semble  advis  que  ce  seroit  deroguer  a  la  dignite  des  Apostres,  si  on  ne  leur  en  faisoit  autant.  Or,  les  peintres  peuvent  bien  contrefaire  des  marmousetz  a  leur  plaisir,  les  dorant  et  ornant  depuis  la  teste  iusques  aux  piedz,  puis  apres  leur  imposer  le  nom  de  sainct  Pierre  ou  de  sainct  Paul.3)  Mais  on  sait  quel  a  este  leur  estat,  pendant  qu'ilz  [page  79]  ont  vescu  en  ce  monde,  et  qu'ilz  n'ont  eu  autres  accoustremens  que  de  povres  gens.  Il  y  a  aussi  bien  a  Rome  la  chaire  episcopale  de  sainct  Pierre,  avec  sa  chasuble,  comme  si  de  ce  temps  la  les  evesques  eussent  eu  des  throsnes  pour  s'assoir.  Mais  leur  office  estoit  d'enseigner,  de  consoler,  d'exhorter  en  public  et  en  particulier,  et  monstrer  exemple  de  vraye  humilite  a  leur  trouppoau:  non  point  de  faire  des  idoles,  comme  font  ceux  de  maintenant.  Quand  est  de  la  chasuble,  la  facon  n'estoit  point  encores  venue  de  se  desguiser:  car  on  ne  iouoyt  point  des  f  arces  en  l'eglise,  comme  on  faict  a  present.  Ainsi,  pour  prouver  que  sainct  Pierre  eust  une  chasuble,  il  faudroit  premierement  monstrer  qu'il  auroit  faict  du  basteleur,  comme  font  noz  prestres  de  maintenant,  en  voulant  servir  a