54:439  439  SERMON  V  440  ne  pourrons  elever  nos  esprits  en  haut  pour  contempler  la  vie  celeste;  tellement  que  ce  qui  est  dit  se  trouvera  tousiours  veritable  en  nous,  que  la  ou  est  nostre  thresor,  la  sera  nostre  coeur.  Et  ceux  qui  sont  adonnez  aux  biens  de  ce  monde,  ils  y  mettent  tellement  leurs  pensees  et  leurs  affections,  qu'il  est  impossible  qu'ils  aspirent  a  cest  heritage  ou  Dieu  nous  convie.  Et  ainsi  nous  voyons  que  l'avarice  est  une  peste  mortelle  qui  aveugle  les  hommes,  et  les  despouille  de  ce  que  Dieu  leur  promet,  et  mesmes  ce  n'est  pas  sans  cause  que  8.  Paul  l'appelle  racine  de  tous  maux:  car  elle  emporte  de  faict  les  fraudes  et  meschantes  pratiques,  les  trahisons,  les  desloyautez  et  cruautez.  Brief,  il  n'y  a  nul  mal  qui  ne  procede  d'avarice.  Car  si  un  homme  tasche  d'en  avoir,  il  oubliera  toute  droiture,  comme  si  tout  luy  estoit  licite:  il  prendra  licence  de  ravir,  de  piller,  d'arracher  tout  ce  qui  luy  sera  possible.  Puis  apres,  il  se  moquera  de  Dieu  pleinement,  et  n'en  aura  nulle  crainte,  qu'il  ne  sera  question  que  d'user  d'outrages  et  de  violences:  comme  nous  voyons  que  l'avarice  amenera  les  hommes  iusques  la,  de  s'entretuer,  de  s'empoisonner,  et  de  faire  toutes  meschancetes  Brief,  c'est  une  rage  qui  possede  les  hommes,  tellement  qu'ils  sont  comme  endiablez  quand  ils  sont  ainsi  adonnez  a  l'avarice.  Voila  donc  une  chose  que  doivent  bien  fuir  les  Ministres  de  la  parole  de  Dieu  :  et  aussi  chacun  des  fideles  s'en  doit  garder  en  son  endroit.  Et  puis  il  est  dit  que  les  enfans  de  Dieu  doivent  estre  non  seulement  paisibles,  mais  procurans  la  paix.  C'est  une  marque  par  laquelle  nostre  Seigneur  Iesus  Christ  veut  qu'ils  soyent  cognus.  Bienheureux  sont  ceux  qui  procurent  la  paix,  car  ils  seront  appelez  enfans  de  Dieu.  Or  maintenant  si  nous  sommes  vindicatifs  et  noiseux,  aimans  les  querelles,  n'est-ce  point  pour  monstrer  que  la  paix  de  Dieu  ne  regne  point  en  nous,  et  que  nous  ne  tenons  rien  de  luy?  Et  nous  scavons  que  tout  parentage  et  conionction  procede  de  Dieu,  et  en  sommes  admonestez  afin  que  nous  ayons  fraternite  ensemble,  et  ceste  union  sacree,  pour  estre  comme  membres  d'un  corps.  Ceux  donc  qui  sont  ainsi  noiseux  et  pleins  de  querele,  comment  sera-il  possible  qu'ils  se  nomment  enfans  de  Dieu?  Finalement  advisons  d'estre  aussi  humains  envers  les  estrangers,  quand  nous  les  verrons  destituez  d'aide  et  de  secours.  Car  c'est  une  barbarie  trop  vileine  quand  on  n'aura  nulle  pitie  et  compassion  de  ceux  qui  sont  desnuez:  et  cela  a  este  par  trop  note,  mesme  entre  les  Payens,  qu'ils  ont  diffame  ceux  qui  n'avoyent  point  ceste  raison  et  doctrine  en  eux,  de  recueillir  ceux  qui  estoyent  ainsi  deslogez.  Donc  par  plus  forte  raison,  quand  nous  voyons  l'Eglise  de  Dieu  estre  tourmentee  par  Ies  tyrans  et  en  Demis  de  verite,  que  les  povres  fideles  sont  deslogez,  si  nous  ne  les  recueillons  hu-