9:438  quin  potius  eos  non  tantum  pro  consueta  ingenii  sui  vehementia,  sed  a  flabellis  quibusdam  instigat  u≫  intemperanter  vexavit,  odiose  coacervat  Gabriel  omnes  eius  hyperbolas,  quae  piorum  animos  a  veri  inquisitione  avertant.  Neque  id  modo,  sed  omnia  permiscet  ad  obnubilandam  lucem,  suffuso  identidem  calumniarum  suarum  veneno.  Dissensio,  inquit,  et  hostile  certamen  fuit  Luthero  adversus  Oecolampadium  et  Zvinglium.  Omnes  damnavit  Calvinus.  Quid,  nebulo?  Hi  verecunde  Calvinus,  et  adhibita  qua  decebat  reverentia,  lectores  admonuit  quantum  nocuisset  contentionis  fervor,  ut  compositis  ad  moderationem  animis  rem  melius  expenderent,  an  tibi  erit  tumultuandi  materia,  ut  pios  alienes  a  veritatis  studio?  Carolstadii  certe  commentum  si  Lutherum  offenderir,  nihil  miror,  in  quo  se  prodebat  manifesta  absurditas.  Atque  utinam  placide  sedatoque  animo  Oecolampadium  et  similes  [pag.  25]  primo  audisset.  Verum  excesserit  modum  Lutherus,  et  multa  iracunde  protulerit:  an  ideo  alienabuntur  a  veri  inquisitione  omnium  animi,  ut  clausis  oculis  se  ia  tenebras  demergant?  Ex  altera  parte  Calvinum  perstringit,  quod  inviderit  Luthero  Heliae  titulum.  Nempe  quia  eorum  stultitiam  compescuit,  qui  ultimum  Heliam  ia  eius  persona  apparuisse  dicebant.  Id  de  quocunque  dicatur,  praeposterum  et  intolerabile  esse  Calvinus  affirmat.  Quo  igitur  colore  dicacitatem  suam  exercet  insipidus  scurra,  ac  si  unquam  Calvinus  quem  detestatur  titulum  appetivisset?  Multo  vero  magis  eum  exagitat  in  docendi  forma  quam  tenuit.  Imo  dicit  novam  et  prius  inauditam  sententiam  protulisse:  nec  pro  sua  hebetudine  cernit,  Calvinum,  eo  ipso  quem  adducit  loco,  se  potius  aliis  recte  sentientibus  adiungere,  quam  affectare  laudem  novitatis.  Hoc  iam  nimis  crassum  mendacium:  cui  tamen  alia  duo  accumulat:  Nulla  ipsum  scripturae  autoritate,  vel  patrum,  niti.  Quosharn  te  alloqui  putas,  Gabriel?  sodalesne  tuos  canonicos,  an  meretrices?  Nam  si  qua  unquam  de  re  exacte  disputatum  fuit,  nihil  diligentiae  omisit  Calvinus  quin  et  scripturae  et  patrum  testimoniis  causam  suam  muniret.  Postea  ad  calumniam  arripit  Calvini  verba,  ubi  profitetur  se  dicturum  sincere  et  absque  fuco,  deinde  libere,  sicut  solet,  quid  sibi  videatur,  [pag.  26]  Hic  Gabriel  quasi  a  veterno  expergefactus  exclamat:  Attende  lector.  Paulus  de  hoc  tremendo  mysterio  tractans,  Ego,  inquit,  accepi  a  Domino  quod  et  tradidi  vobis  (1.  Cor.  l  l  ,  23).  At  Calvinus,  Dicam,  inquit,  noa  quid  Christo  et  eius  sponsae  ecclesiae,  sed  quid  mihi  videatur.  Piget  quidem  tam  futilibus  naeniis  respondere.  Sed  quum  apostoli  et  seniores  scripserunt  (Acto.  15,  28):  Visum  est  spiritui  sancto  et  nobis,  an  se  a  spiritu  separabant?  Quid  autem  alibi  idem  Paulus?  Dico,  inquit,  virginibus  et  viduis  (L  Cor.  7,  8).  Item:  De  virginibus  praeceptum  Do-  28*