7:438  virtus  bona  eorum  opera  l)  antecedit,  comitatur  et  subsequitur,  et  sine  qua  nullo  pacto  Deo  grata  et  meritoria  esse  possent:  nihil  ipsis  iustificatis  amplius  deesse  credendum  est,  quominus  plene  illis  quidem  operibus,  quae  in  Deo  sunt  facta,  divinae  legi  pro  huius  vitae  statu  satisfecisse,  et  vitam  aeternam  suo  etiam  tempore,  si  tamen  in  gratia  decesserint,  consequendam  vere  promeruisse  censeantur.  Quum  Christus  salvator  noster  dicat:  Si  quis  biberit  ex  hac  aqua,  quam  ego  dabo  ei,  non  sitiet  in  aeternum:  sed  fiet  in  eo  fons  aquae  salientis  in  vitam  aeternam.  Ita  neque  propria  [pag.  155]  nostra  iustitia,  tanquam  ex  nobis  propria  statuitur,  neque  ignoratur  aut  repudiatur  iustitia  Dei.  Quae  enim  iustitia  nostra  dicitur,  quia  per  eam,  inhaerentem  nobis,  iustificamur  :  illa  eadem  Dei  est,  quia  a  Deo  nobis  infunditur  per  Christi  meritum.  Neque  vero  illud  omittendum  est,  quod  licet  bonis  operibus  in  sacris  literis  usque  adeo  tribuatur,  ut  etiam  qui  uni  ex  minimis  suis  potum  aquae  frigidae  dederit,  promittat  Christus,  eum  non  esse  sua  mercede  cariturum:  et  Apostolus  testetur,  id  quod  in  praesenti  est  momentaneum  et  leve  tribulationis  nostrae,  supra  modum  in  sublimitate,  aeternum  gloriae  pondus  operari  in  nobis:  absit  tamen  ut  Christianus  homo  in  se  ipso,  vel  confidat,  vel  glorietur,  et  non  in  Domino:  citius  tanta  est  erga  omnes  homines  bonitas,  ut  eorum  velit  esse  merita,  quae  sunt  ipsius  dona.  Et  quia  in  multis  offendimus  omnes,  unusquisque,  sicut  misericordiam  et  bonitatem,  [pag.  156]  ita  severitatem  et  iudicium,  ante  oculos  habere  debet:  neque  se  ipsum  aliquis,  etiamsi  nihil  sibi  conscius  fuerit,  iudicare:  quoniam  omnium2)  hominum  vita  non  humano  iudicio  examinanda  et  iudicanda  est,  sed  Dei,  qui  illuminabit  abscondita  tenebrarum,  et  manifestabit  consilia  cordiumf  et  tunc  laus  erit  unicuique  a  Deo,  sicut  scriptum  est:  Reddet  unicuique  secundum  opera  sua.  Post  hanc  catholicam  de  iustificatione  doctrinam,  quam  nisi  quisque  fideliter  firmiterque  crediderit,3)  iustificari  non  poterit:  placuit  sanctae  Synodo,  hos  Canones  subiungere,  ut  omnes  sciant,  non  solum  quid  tenere  et  sequi,  sed  etiam  quid  vitare  et  fugere  debeant  CANONES.*)  L  Si  quis  dixerit  :  Hominem  suis  operibus,  quae  vel  per  humanae  naturae  vires,  vel  per  legis  doctrinam  fiunt,  absque  divina  per  Christum  gratia,  posse  iustificari:  5)  Anathema  sit.  [pag.  157]  IL  Si  quis  dixerit:  Ad  hoc  solum  divinam  per  Christum  Iesum  gratiam  dari,  ut  facilius  1)  Edd.  add*  semper.  2)  Edd.  omnis.  3)  Edd.  receperit.  4)  Ht  canones  absunt  ab  exemplari  gallico,  hoc  loco,  verum  inseruntur  infra  subiecta  unicuique  censura.  5)  Edd.  add.  coram  Deo.  28*