6:438  sainct  Iehan  soit  a  Flourence,  et  qu'il  Boit  autrepart  en  cinq  lieux.  Autant  de  Lyon  et  de  Bourges,  et  des  autres.  Ou,  pour  le  dire  plus  brief,  si  nous  voulons  croire  que  six  doigtz  ne  soyent  qu'un,  et  qu'un  seul  soit  six.  Ie  ne  parle  sinon  de  ce  qui  est  venu  a  ma  notice.  Ie  ne  doubte  pas  que  si  on  enqueroit  plus  diligemment,  qu'il  ne  s'en  trouvast  encore  une  demy  douzaine  ailleurs.  Et  de  la  teste,  qu'il  ne  s'en  trouvast  encores  des  pieces  qui  monteroyent  bien  la  grosseur  d'une  teste  de  boeuf,  voire  outre  ce  que  i'en  ay  dict.  Or,  de  peur  de  ne  rien  [page  75]  laisser  derriere,  ilz  ont  aussi  bien  faict  semblant  d'avoir  les  cendres:  dont  il  y  en  a  une  partie  a  Genes,  l'autre  partie  a  Rome,  en  l'eglise  sainct  Iehan  de  Latran.  Or  avons  nous  veu  que  la  pluspart  avoit  este  iectee  en  l'air;  toutesfoys,  ilz  ne  laissent  point  d'en  avoir,  comme  ilz  disent,  une  bonne  portion,  et  principalement  a  Genes.  Restent  maintenant,  apres  le  corps,  les  autres  apertenances:  comme  un  soulior,  qui  est  aux  Chartreux  de  Paris;  lequel  fut  desrobe  il  y  a  environ  douze  ou  treize  ans.  Mais  incontinent  il  s'en  retrouva  un  autre  de  nouveau.  Et  de  faict,  tant  que  l'enge  des  cordonniers  soit  saillie,  iamais  ilz  n'auront  faute  de  telles  reliques.  A  Rome,  a  sainct  Iehan  de  Latran,  ilz  se  vantent  d'avoir  sa  haire,  de  laquelle  il  n'est  faict  nulle  mention  en  l'Evangile:  sinon  quo  pource  qu'il  est  la  parle  qu'il  estoit  vestu  de  poilz  de  chameaux,  ilz  veulent  convertir  une  robbe  en  haire.  La  mesme,  ilz  disent  qu'ilz  ont  l'autel  sur  lequel  il  prioit  au  desert;  comme  si,  de  [page  76]  ce  temps  la,  on  eust  faict  des  autels  a  tous  propos  et  en  chascun  lieu.  C'est  merveille  qu'ilz  ne  luy  font  acroire  qu'il  ayt  chante  messe.  En  Avignon  est  l'espee  de  laquelle  iij  fut  decole;  et  a  Aix  en  Allemaigne  le  linceul,  lequel  fust  estendu  soubz  luy.  Ie  voudroye  bien  savoir  comment  le  bourreau  estoit  si  gratieux,  que  de  luy  tapisser  le  pave  de  la  prison  quand  il  le  vouloit  faire  mourir.  N'est-ce  pas  une  sote  chose  de  controuver  cela?  Mais  encores,  comment  l'un  et  l'autre  sont  ilz  venus  entre  leurs  mains?  Pensez  vous  qu'il  est  bien  vray  semblable  que  celuy  qui  le  mist  a  mort,  fut  il  un  gendarme  ou  un  bourreau,  donnast  le  linceul  et  son  espee  pour  en  faire  une  relique?  Puis  qu'ilz  vouloyent  faire  une  telle  garniture  de  toutes  pieces,  ilz  ont  failly  de  laisser  le  cousteau  de  Herodias,  dont  elle  frappa  l'oeil:  tout  le  sang  qui  fut  respandu,  et  mesmes  son  sepulcre.  Mais  ie  pourroye  bien  aussi  errer;  car  ie  ne  say  pas  si  toutes  ces  bagues  sont  autre  part.  [page  77]  C'est  maintenant  aux  Apostres  d'avoir  leur  tour.  Mais  pource  que  la  multitude  pourroit  engendrer  confusion,  si  ie  les  mettois  tous  ensemble,  nous  prendrons  sainct  Pierre  et  sainct  Paul  a  part,  puis  nous  parlerons  des  autres.  Leurs  corps  28*