54:438  mais  d'estre  de  la  compagnie  et  du  rang  de  ses  enfans.  Et  pourtant,  que  les  Ministres  de  la  parole  regardent  bien  a  eux  de  pres:  et  que  cependant  aussi  tous  Chrestiens  cognoissent  qu'ici  ils  ont  une  regle  qui  les  attouche  et  les  comprend  tous,  depuis  le  plus  grand  iusques  au  plus  petit.  Et  ainsi  regardons  d'estre  menez  de  cest  esprit  d'attrempance,  de  cest  esprit  de  sobriete,  et  de  iustice,  et  de  sainctete,  dont  sainct  Paul  parle  ici:  et  regardons  aussi  d'estre  tellement  bridez,  que  les  vices  dont  il  parle  ne  regnent  point  en  nous.  Comme  voila  l'yvrongnerie  qui  est  une  chose  aussi  contraire  a  tous  fideles  qu'il  en  y  ait  point.  Car  si  les  hommes  sont  tous  formez  a  l'image  de  Dieu,  et  qu'un  yvrongne  s'abbrutisse  tellement,  qu'il  est  comme  une  beste  sans  raison  ni  entendement,  ne  devonsnous  pas  estre  tant  plus  songneux  de  nous  retenir?  Car  quand  les  hommes  s'abbrutissent  ainsi,  quand  ils  s'enyvrent,  non  seulement  ils  effacent  l'image  de  Dieu,  voire  laquelle  a  este  reparee  en  nous  par  nostre  Seigneur  Iesus  Christ,  mais  toute  honnestete  de  vie,  qu'ils  sont  la  comme  chiens  et  pourceaux.  Si  donc  nous  voulons  estre  reputez  enfans  de  Dieu,  ne  faut-il  pas  que  ce  vice  soit  eslongne  de  nous?  Et  voila  pourquoy  sainct  Paul  excommunie  tous  yvrongnes,  qu'il  ne  veut  point  mesme  qu'on  communique  avec  eux,  ne  qu'on  les  hante,  afin  qu'ils  soyent  vaincus  de  vergongne  pour  se  corriger,  tant  s'en  faut  qu'ils  doivent  estre  admis  a  la  saincte  table  de  nostre  Seigneur  Iesus  Christ.  Et  puis  l'orgueil  et  la  fierte  n'est-elle  pas  du  tout  contraire  a  l'esprit  de  mansuetudo,  qui  est  la  vraye  marque  des  enfans  de  Dieu?  En  quoy  cognoistra-on  que  nous  avons  profite  en  l'escole  de  nostre  Seigneur  Iesus  Christ?  Si  nous  sommes  humbles  et  petis  et  debonnaires.  Et  ainsi  c'est  signe  quand  la  fierte  dominera  en  un  homme,  qu'il  sera  adonne  a  son  sens  et  a  son  cerveau,  qu'il  n'a  iamais  gouste  que  c'estoit  de  profiter  en  l'escole  de  Dieu,  ni  de  nostre  Seigneur  Iesus  Christ.  Nous  voyons  donc  que  les  vertus  dont  parle  sainct  Paul,  ne  sont  pas  seulement  pour  les  Ministres  de  la  parole  de  Dieu,  mais  qu'elles  sont  communes  a  tout  le  troupeau  et  a  tout  le  peuple.  Autant  en  est-il  de  l'avarice,  car  nous  voyons  qu'en  pensant  trop  de  ce  monde,  nous  oublions  les  biens  spirituels,  et  l'heritage  auquel  Dieu  nous  convie.  Puis  qu'ainsi  est  donc,  que  sera-ce  quand  l'avarice  regnera,  que  nous  en  serons  tellement  empeschez,  que  nous  serons  tellement  enveloppez  aux  solicitudes  des  biens  de  ce  monde,  qu'il  ne  nous  souviendra  plus  de  la  vie  celeste?  Et  encores  que  nous  en  ayons  les  aureilles  battues,  et  que  iournellement  ce  vice  nous  soit  reproche,  si  est-ce  que  nous  ne  laisserons  pas  d'estre  tousiours  preoccupez  de  ces  solicitudes  terriennes,  et  serons  tellement  attachez  a  ce  monde,  que  nous  28*