5:438  son  sang,  il  adiouste  que  son  corps  a  este  livre  pour  nous,  et  son  sang  espandu  pour  la  remission  de  noz  pechez,  [pag.  15]  En  quoy  il  denote  premierement  que  nous  ne  devons  pas  simplement  communiquer  a  son  corps  et  a  son  sang,  sans  aultre  consideration:  mais  pour  recevoir  le  fruict  qui  nous  vient  de  sa  mort  et  passion.  D'aultrepart,  que  nous  ne  povons  parvenir  a  la  iouissance  d'un  tel  fruict  que  en  participant  a  son  corps  et  son  sang,  dont  il  nous  a  este  produict.  Nous  commencons  desia  a  entrer  en  ceste  question  tant  debattue,  et  anciennement  et  au  temps  present:  comment  se  doivent  entendre  ces  parolles,  ou  le  pain  est  appelle  corps  de  Iesus  Christ,  et  le  vin  son  sang.  Laquelle  se  pourra  vuider  sans  grande  difficulte,  si  nous  retenons  bien  le  principe  que  i'ay  n'agueres  mis.  C'est  que  toute  l'utilite  que  nous  devons  chercher  en  la  Cene  est  aneantye,  sinon  que  Iesus  Christ  nous  y  soit  donne  comme  substance  et  fondement  de  tout.  Cela  resolu,  nous  confesserons  sans  doubte  que  de  nyer  la  vraye  communication  de  Iesus  Christ  nous  estre  presentee  en  la  Cene,  c'est  rendre  ce  [pag.  16]  saint  Sacrement  frivole  et  inutile,  qui  est  un  blaspheme  execrable  et  indigne  d'estre  escoute.  D'avantaige,  si  la  raison  de  communicquer  a  Iesus  Christ  est  a  fin  que  nous  ayons  part  et  portion  en  toutes  les  graces  qu'il  nous  a  acquises  par  sa  mort,  il  n'est  pas  seulement  question  que  nous  soyons  participans  de  sou  Esprit:  mais  il  nous  fault  aussi  participer  a  son  humanite,  en  laquelle  il  a  rendu  toute  obeissance  a  Dieu  son  Pere,  pour  satisfaire  de  noz  debtes.l)  Combien,  a  proprement  parler,  que  l'un  ne  se  puisse  faire  sans  l'autre.  Car  quand  il  se  donne  a  nous,  c'est  a  fin  que  nous  le  possedions  entierement.  Pour  ceste  cause,  comme  il  est  dit,  que  son  Esprit  est  nostre  vie,  aussi  luy  mesme  de  sa  bouche  prononce  que  sa  chair  est  vrayement  viande,  son  sang  vrayement  breuvage.  Si  ces  parolles  ne  sont  point  dictes  pour  neant,  il  convient  que,  pour  avoir  nostre  vie  en  Christ,  noz  ames  soient  repeues  de  son  corps  et  son  sang,  comme  de  leur  propre  nourriture,  [pag.  17]  Cela  doncq  nous  est  nomnieement  testifie  en  la  Cene,  quand  il  nous  est  dit  du  pain,  que  nous  le  prenions  et  mangeons,2)  et  que  c'est  son  corps:  que  nous  beuvions  du  calice,  et  que  c'est  son  sang.  Nommeement  il  est  parle  du  corps  et  du  sang,  a  fin  que  nous  apprenions  de  la  cercher  la  substance  de  nostre  vie  spirituelle.  Maintenant,  si  on  demande  a  scavoir  neantmoins  si  le  pain  est  le  corps  de  Christ,  et  le  vin  son  sang,  nous  respondrons  que  le  pain  et  le  vin  sont  signes  visibles,  lesquelz  nous  representent  1)  h  noz  debtes,  1566  ss.  2)  Les  editions  plus  recentes  a  partir  de  1549  ont  mis:  mangions.  28*