32:438  adoptionis,  propheta  Deum  nominat  eorum  factorem,  et  regem  filiorum  Sion,  ut  in  memoriam  revocent,  quum  fuerunt  adoptati  ut  supra  alias  gentes  excellerent,  hanc  speciem  fuisse  novae  creationis.  Ita  Psalmo  95,  6  vocantur  Israelitae  opus  manuum  Dei,  non  tantum  quia  ab  ipso  creati  erant  ut  reliqui  homines,  sed  quia  eos  refinxerat,  et  ornaverat  nova  dignitate,  ut  essent  a  toto  genere  humano  segregati.  Nomen  regis  longius  patet:  quia  admonet  propheta,  non  modo  semel  hunc  populum  fuisse  a  Deo  formatum,  sed  in  hunc  finem  ut  perpetuo  eius  imperio  regatur.  Musica  instrumenta  quorum  meminit,  ad  tempus  paedagogiae  pertinent:  ne  stulta  aemulatione  in  usum  nostrum  trahamus  quod  proprium  fuit  veteri  populo.  Confirmat  autem  propheta  quod  nuper  dixi,  brevi  restituendos  qui  ad  tempus  aboliti  fuerant,  sacros  coetus,  ubi  Dei  nomen  legitimo  ritu  invocent.  4.  (Quia  complacuit.)  De  verbo  j-fjfi  alibi  vidimus:  hic  gratuitum  favorem  exprimit:  ac  si  diceret  propheta,  Deum  mero  beneplacito  adductum  fuisse  ut  hunc  sibi  populum  eligeret.  Ex  hoc  fonte  fluit  qnod  additur  secundo  membro,  Deum  afflictis  daturum  novum  salutis  decus.  D^IJ^  enim  vocant  Hebraei  pauperes  et  afflictos  :  sed  hoc  nomen  postea  ad  mansuetos  transferunt:  quia  domari  solet  carnis  superbia  afflictionibus,  sicuti  satietas  ferociam  parit.  Opportuno  igitur  solatio  mitigat  propheta  praesentium  malorum  tristitiam,  ut  fideles  aerumnis  deiecti  spe  tamen  ad  gloriam  quae  nondum  cernitur  adspirent.  Summa  est:  quia  populum  electum  Deus  amore  complexus  est,  fieri  non  posse  ut  perpetuo  in  tantis  miseriis  deserat.  5.  Exsultabunt  mansueti  in  gloria,  iubilabunt  in  cubilibus  suis.  6.  Exaltationes  Dei  in  gutture  eorum,  et  gladius  anceps  in  manu  eorum:  7.  Ad  faciendam  vindictam  ingentibus,  castigationes  in  populis:  8.  Ad  vinciendos  reges  eorum  catenis,  et  proceres  eorum  compedibus  ferreis.  9.  Ad  faciendum  in  illis  iudicium  scriptum  :  decor  hic  omnibus  mansuetis  eius.  Halleluiah.  5.  (Exsultabunt.)  Hic  laetitiam,  iubilum  et  magnificam  Dei  exaltationem  nominans,  ab  effectu  clarius  probat  se  non  de  vulgari  Dei  beneficio  disserere:  quia  nisi  mirabiliter  servatus  fuisset  populus,  non  erat  causa  tantae  laetitiae,  atque  etiam  triumphi.  Quibus  etiam  verbis  admonet,  non  ideo  reductum  esse  populum  ab  exilio  ut  statim  iterum  diffluat,  sed  ut  floreat  omni  genere  benedictionis.  Atque  ideo  cubilium  meminit,  ut  sub  Dei  protectione  diuturnam  requiem  fideles  sperarent.  Instructos  quoque  armis  et  potentia  fore  denuntiat  non  modo  ad  hostes  arcendos,  sed  etiam  longe  lateque  profligandos,  donec  reges  et  populos  quibus  prius  fuerant  obnoxii  ad  obsequium  cogant.  Gladios  autem  duplicis  oris  28*