25:438  eius,  nos  vero  innoxii:  quicunque  vero  tecum  fuerit  in  domo,  sanguis  illius  in  caput  nostrum  si  manus  iniecta  fuerit  in  eum.  20.  Si  vero  prodideris  sermonem  hunc  nostrum,  erimus  innoxii  a  iuramento  quo  adiurasti  nos  21.  Respondit  ilia:  Ut  loquuti  estis,  ita  sit.  Tunc  dimisit  eos,  et  abierunt,  ligavitque  filum  coccineum  in  fenestra.  22.  Profecti  venerunt  ad  montem,  et  manserunt  ibi  tribus  diebus,  donec  reverterentur  qui  insequuti  fuerant,  qui  quaesierunt  per  omnem  viam  nec  invenerunt.  23.  Reversi  ergo  duo  illi  postquam  descenderunt  e  monte  transierunt^  veneruntque  ad  Iosue  filium  Nun,  et  narraverunt  ei  quaecunque  acciderant  sibi.  24.  Dixeruntque  ad  Iosue:  Tradidit  Iehova  in  manus  nostras  totam  terram.  Dissoluti  enim  sunt  omnes  habitatores  terrae  a  facie  nostra.  1.  Miserat  autem  Iosue.  Alia  fuit  explorandi  ratio  de  qua  nunc  agitur  quam  superior,  dum  Iosue  cum  aliis  undecim  missus  est,  ut  lustratis  omnibus  terrae  plagis,  de  eius  situ,  natura,  foecunditate,  aliisque  dotibus,  de  urbium  amplitudine,  et  frequentia,  de  incolis,  et  eorum  moribus  ad  totum  populum  referrent.  Nempe  quo  se  libentius  ad  expeditionem  accingerent  qui  alioqui  erant  segniores.  Etsi  autem  ex  primo  capite  Deuteronomii  apparet,  Mosen  flagitante  populo  misisse  delectos  viros  qui  terram  inspicerent,  alibi  tamen  refert,  id  Dei  iussu  se  fecisse.  Ergo  et  Deo  autore  profecti  sunt  illi  duodecim,  et  in  finem  paulo  diversum,  ut  terra  diligenter  perspecta  excellentiae  eius  praecones  essent  ad  instigandos  populi  animos.  Nunc  autem  duos  clam  mittit  Iosue,  qui  considerent  an  liber  pateat  transitus  nec  ne,  securine  sint  cives  Iericho,  an  ad  resistendum  parati  et  instructi.  Denique  speculatores  mittit,  ex  quorum  relatu  praecaveat  omnia  pericula.  Quare  in  utramque  partem  agitari  potest  quaestio,  probandumne  sit  eius  consilium,  an  nimia  sollicitudo  damnanda:  praesertim  quia  videtur  plus  aequo  innixus  fuisse  suae  prudentiae,  dum  inconsulto  Deo  tam  circumspectus  fuit  ad  cavenda  pericula.  Verum  quia  neque  exprimitur,  oraculo  fuisse  admonitum,  ut  vasa  colligere  iuberet,  ac  edictum  promulgaret  de  transitu  Iordanis:  quum  tamen  res  ipsa  clamet,  de  castris  movendis  nonnisi  praeeunte  Deo  cogitasse:  probabile  quoque  est,  in  mittendis  speculatoribus  sciscitatum  esse  quid  Deo  placeret:  aut  quia  videbat  ipse  Deus  hoc  subsidio  confirmationis  opus  esse,  ultro  tale  consilium  servo  suo  inspirasse.  Quidquid  sit,  dum  praecipit  Iosue  suis  nunciis  ut  considerent  Iericho,  ad  eam  oppugnandam  se  comparat:  ideoque  certior  fieri  cupit,  qua  parte  facilior  et  tutior  pateat  accessus.  1.  Ingressi  sunt  domum.  Cur  nomen  meretricis  quidam  fugiant,  et  H31T  exponant  quae  cauponam  exercet,  non  video:  nisi  quod  probrosum  28*