8:437  437  IV.  DE  SERVIR  DIEU  LIBREMENT.  438  n'en  sommes  point  encor  rassasiez  comme  nous  serons  quand  il  nous  aura  recueillis  a  soy.  Parquoy  il  fault  que  tous  en  general  applicquont  ceci  a  leur  usage,  et  selon  que  Satan  ne  cesse  d'empescher  tous  ceulx  qui  tendent  a  Dieu,  que  chascun  se  renforce  pour  continuer  demain  a  faire  ce  qu'il  a  faict  auiourd'huy.  Car  si  l'ennemi  ne  se  lasse  point  a  tascher  de  nous  faire  reculer  en  arriere,  iant  moins  debvons  nous  perdre  courage  a"iious  avancer,  et  cueillir  sans  fin  et  sans  cesse  nouvelles  forces.  Mais  pour  ce  faire,  il  fauldroit  avoir  bien  imprime  en  son  cueur  une  telle  affection  qu'a  eue  David:  l'aime  mieulx,  dit-il,  habiter  au  sueil  de  la  maison  de  Dieu,  qu'aux  tentes  et  pavillons  des  iniques  (Pseaulme  84,  11).  En  quoy  il  declare  que  pour  racheter  ce  bien  d'habiter  en  la  maison  de  Dieu,  il  ne  luy  fera  point  mal  d'estre  abbaisse  et  rendu  contemptible.  Considerons,  ie  vous  prie,  quel  avoit  este  son  estat.  Il  estoit  gendre  du  [f.  68]  Roy,  et  l'un  des  principaulx  du  pais,  toutesfois  il  est  content  d'estre  recule  et  mis  au  plus  bas  rang  du  commun  peuple,  moyennant  qu'il  puisse  avoir  quelque  petit  anglet  au  Temple.  Si  ce  desir  regnoit  en  tous,  ils  n'auroyent  pas  si  grand  peine  a  se  desvelopper,  et  ne  seroyent  pas  si  long  temps  a  barguigner  sur  l'eschange  qu'ils  ont  a  faire  en  quictant  leurs  maisons  et  pais  pour  venir  en  l'Eglise  de  Dieu.  Mais  il  s'en  trouve  bien  peu  qui  veulent  et  puissent  souffrir  estre  diminuez.  Chascun  seroit  content  d'estre  porte  sur  une  lictiere  pour  adorer  Dieu  la  ou  il  y  a  liberte  de  ce  faire,  et  que  champs  et  possessions,  train  de  marchandise,  credit,  alliances  et  toutes  autres  commoditez  suyvissent  quant  et  quant.  Or  en  ce  faisant,  combien  prisentils  Iesus-Christ?  Car  tout  ce  qu'ils  veulent  faire  est  de  se  pourmener  a  sa  requeste  comme  par  esbat,  qui  est  une  bien  povre  consideration.  Car  combien  que  nous  ne  valions  rien,  si  nous  a-il  tant  estimez  par  sa  bonte  infinie,  qu'il  ne  s'est  point  espargne  pour  nostre  salut,  voire  luy,  auquel  gist  la  perfection  de  tout  bien.  Cependant  nous  aurons  regret  de  quicter  quelques  biens  corruptibles,  et  d'empirer  nostre  condition  pour  n'estre  pas  traictez  tant  a  nostre  aise  que  nous  avons  este.  C'est  bien  loing  de  suyvre  ce  que  sainct  Paul  nous  a  monstre  par  son  exemple:  c'est  que  nous  reputions  comme  fiente  et  ordure  tout  ce  qui  nous  empesche  de  posseder  Iesus  Christ,  et  quo  nous  le  quictions  comme  ehose  nuisible,  scachans  que  ce  qui  nous  separe  de  la  vraye  vie  ne  peut  sinon  nous  tirer  a  la  mort.  C'est  aussi  bien  loing  de  suyvre  l'exhortation  qui  nous  est  faicte  par  Iesus  Christ,  de  vendre  et  quicter  tout  ce  que  nous  avons  au  monde  pour  le  royaume  des  cieulx,  scachans  que  c'est  une  pierre  precieuse  qui  vauit  cent  mille  fois  mieulx  que  tout  ce  que  les  hommes  desirent  et  prisent  tant.  Si