6:437  TRAICTE  DES  RELIQUES.  Lucques,  ie  ne  say  de  quel  endroict.  Tout  cela  est-il  faict?  Qu'on  aille  a  Rome  et  au  Monastere  [page  72]  de  sainct  Silvestre,  on  oyra  dire:  Voicy  la  teste  de  sainct  Iehan  Baptiste.  Les  Poetes  feingnent  qu'il  y  avoit  autresfoys  un  Roy  en  Hespaigne,  nomme  Gerion,  lequel  avoit  troys  testes:  si  noz  forgeurs  de  reliques  en  pouvoyent  autant  dire  de  sainct  Iehan  Baptiste,  cela  leur  viendroit  bien  a  point  pour  les  ayder  a  mentir.  Mais  puis  que  ceste  fable  n'a  point  lieu,  comment  s'excuserontilz?  Ie  ne  les  veux  point  presser  de  si  pres  que  de  leur  demander  comment  la  teste  s'est  ainsi  deschicquetee  pour  estre  departie  en  tant  de  lieux,  et  si  divers,  ne  comment  c'est  qu'ilz  l'ont  eue  de  Constantinoble:  seulement,  ie  diz  qu'il  faudroit  que  sainct  Iehan  eust  este  un  monstre  ?  ou  que  ce  sont  abuseurs  effrontez  de  monstrer  tant  de  pieces  de  sa  teste.  Qui  pis  est,  l)  ceux  de  Sene  se  vantent  d'en  avoir  le  bras:  ce  qui  est  repugnant,  comme  nous  avons  dict,  a  toutes  les  histoires  anciennes.  Et  neantmoins  cest  abus  non  seulement  est  souffert,  mais  aussi  approuve:  comme  rien  ne  se  trouve  [page  73]  mauvais  au  royaume  de  l'Antechrist,  moyennant  qu'il  entretienne  le  peuple  en  superstition.  Or,  ilz  ont  controuve  une  autre  fable:  c'est  que,  quand  le  corps  fut  brusle,  que  le  doigt  dont  il  avoit  monstre  nostre  Seigneur  Iesus  Christ  demeura  entier,  sans  estre  viole.  Cela  non  seulement  n'est  pas  conforme  aux  histoires  anciennes,  mais  mesme  ii  se  peut  aisement  redarguer  par  icelles;  car  Eusebe  et  Theodorit  nommeement  disent,  que  le  corps  estoit  desia  reduict  en  os  quand  les  Payens  le  ravirent.  Et  n'eussent  eu  garde  d'oblier  un  tel  miracle,  s'il  en  eust  este  quelque  chose:  car  ilz  ne  sont  autrement  que  trop  curieux  a  en  racompter,  mesmes  de  frivoles.  Toutesfois,  encores  qu'ainsi  fust,  oyons  un  petit  ou  est  ce  doigt.  A  Besanson,  en  l'eglise  sainct  Iehan  le  grand,  il  y  en  a  un;  a  Thoulouse,  un  autre;  a  Lyon,  un  autre;  a  Bourges,  un  autre;  a  Flourcnce,  un  autre;  a  sainct  Iehan  des  adventures,  pres  Mascon,  un  autre.  Ie  ne  diz  mot  la  dessus,  ^  sinon  que  ie  prie  les  lecteurs  de  ne  [page  74]  se  point  endurcir  a  lencontre  d'un  advertissement  si  clair  et  si  certain,  et  ne  point  fermer  les  yeux  a  une  telle  clairte,  pour  tousiours  se  laisser  seduire  comme  en  tenebres.  Si  c'estoyent  ioueurs  de  passe  passe  qui  nous  esblouyssent  les  yeux,  tellement  qu'il  nous  semblast  advis  qu'il  y  en  eust  six,  encores  aurions  nous  cest  advis  de  craindre  d'estre  abusez.  Or,  icy  il  n'y  a  nulle  subtilite;  il  est  seulement  question  si  nous  voulons  croire  que  le  doigt  1)  Qui  pis  est  1543.  1544;  At  quod  detenus  est  Qui  plus  est  1563  suiv.