54:437  437  SUR  L'EPITRE  A  TITE.  43S  parole  de  Dieu,  contre  les  rebelles,  contre  les  contempteurs,  contre  gens  qui  taschent  de  mettre  confusion  en  l'Eglise,  que  nous  ayons  vertu  et  authorite  de  les  reprouver,  en  sorte  qu'ils  demeurent  confus  au  combat.  Voila  en  somme  ce  qui  est  ici  dit.  Or  desia  nous  avons  declare,  quand  sainct  Paul  veut  que  les  Pasteurs  monstrent  le  chemin,  qu'il  a  estendu  ceci  communeement  a  tous  fideles.  Oar  pourquoy  est-ce  que  les  Ministres  de  la  parole  de  Dieu  doivent  estre  attrempez,  iustes  et  saincts?  Pourquoy  doivent-ils  estre  sobres,  non  point  addonnez  au  vin,  ni  a  noise,  ni  a  batterie?  Pourquoy  doivent-ils  estre  ainsi  moderez?  C'est  afin  que  la  parole  de  Dieu  ne  soit  point  en  opprobre  quand  on  verra  des  vices  si  notables  en  eux.  Et  puis  c'est  afin  qu'ils  approuvent  leur  doctrine  par  bonne  vie,  qu'ils  la  ratifient  tellement  qu'elle  soit  mieux  receue.  Et  puis  c'est  afin  que  le  peuple  les  ensuive,  et  qu'il  se  conforme  a  toutes  les  vertus  qu'il  verra  en  ses  Pasteurs.  Apprenons  donc  que  sainct  Paul  n'a  point  voulu  ici  astraindre  seulement  les  Ministres  de  la  parole  a  se  garder  de  toute  intemperance  et  dissolution,  a  fuir  l'avarice  et  l'orgueil,  et  a  estre  humains,  iustes,  sobres,  chastes:  mais  qu'a  leur  exemple  il  a  exhorte  tous  fideles  de  se  regler  tellement,  que  la  sobriete  soit  une  vertu  generale,  la  iustice,  la  sainctete,  l'attrempance,  et  toutes  choses  dont  il  est  ici  fait  mention.  Voulons-nous  donc  estre  approuvez  enfans  de  Dieu?  Advisons  de  corriger  les  vices  qui  sont  ici  condamnez  par  sainct  Paul:  advisons  de  suivre  les  vertus  lesquelles  il  nous  propose.  Et  de  fait,  si  un  Ministre  est  gouverneur  en  la  maison  de  Dieu,  ce  n'est  pas  a  dire  que  nous  n'ayons  chacun  de  nous  (c'est  ascavoir  les  personnes  privees)  aussi  bien  cest  estat  pour  servir  de  maistre.  Quand  Dieu  appelle  certains  personnages  pour  anoncer  sa  parole,  ce  n'est  pas  qu'il  quitte  les  autres,  ne  qu'il  ne  se  vueille  point  servir  d'eux:  mais  au  contraire,  c'est  afin  qu'il  soit  servi  de  tous  sans  exception.  Voila  donc  a  quelle  condition  et  a  quelle  fin  Dieu  nous  a  ordonnez  pour  anoncer  sa  parole,  c'est  que  tous  soyent  adonnez  a  son  service.  Oar  quand  Dieu  nous  fait  cest  honneur  de  nous  recevoir  de  sa  maison,  et  de  nous  adopter  pour  ses  enfans,  ce  n'est  pas  que  nous  soyons  oisifs,  ou  bien  il  ne  nous  met  pas  la  bride  sur  le  col  pour  dire  qu'un  chacun  s'ingere  a  son  appetit  :  mais  il  nous  veut  tenir  sous  son  ioug,  et  veut  qu'un  chacun  s'employe  a  le  glorifier.  Car  (comme  nous  avons  veu  par  ci  devant)  puis  que  Dieu  nous  fait  cest  honneur  de  nous  employer  a  son  service,  il  ne  faut  point  que  nous  soyons  inutiles.  Car  ce  n'est  point  en  vain  que  Dieu  nous  a  appelez  en  tel  estat,  et  en  une  dignite  si  haute,  non  seulement  d'estre  ses  domestiques,