5:437  DE  LA  CENE.  un  miroir  auquel  nous  contemplans  nostre  [pag.  12]  Seigneur  Iesus  crucifie  pour  abolir  noz  faultes  et  offences,  et  resuscite  pour  nous  delivrer  de  corruption  et  de  mort,  nous  restituant  en  immortalite  celeste.  Voy-la  donc  une  singuliere  consolation  que  nous  recevons  de  la  Cene,  qu'elle  nous  dirige  et  meine  a  la  croix  de  Iesus  Christ  et  a  sa  resurrection,  pour  nous  certifier  que  quelque  iniquite  qu'il  y  ayt  en  nous,  le  Seigneur  ne  laisse  pas  de  nous  recongnoistre  et  accepter  pour  iustes:  quelque  matiere  de  mort  qu'il  y  ayt  en  nous,  il  ne  laisse  pas  de  nous  vivifier:  quelque  malheurete  que  nous  ayons,  il  ne  laisse  pas  de  nous  remplir  de  toute  felicite.  Ou,  pour  declairer  plus  facilement  ce  qui  en  est,  comme  ainsi  soit  que  de  nousmesmes  nous  defaillons  en  tout  bien  et  que  nous  n'ayons  une  seule  goutte  des  choses  qui  nous  doivent  ayder  a  salut,  elle  nous  rend  tesmoignage,  qu'estans  faictz  participans  de  la  mort  et  passion  de  Iesus  Christ,  nous  avons  tout  ce  qui  nous  est  utile  et  salutaire.  Pourtant  nous  povons  Lpag.  13]  dire  que  le  Seigneur  nous  y  desploye  tous  les  thresors  de  ses  graces  spirituelles,  entant  qu'il  nous  faict  compaignons  de  tous  les  biens  et  richesses  de  nostre  Seigneur  Iesus.  Qu'il  nous  souvienne  doncq  que  la  Cene  nous  est  donnee  comme  un  miroir,  auquel  nous  puissions  contempler  Iesus  Christ  crucifie  pour  nous  delivrer  de  damnation,  et  resuscite  pour  nous  acquerir  iustice  et  vie  eternelle.  Bien  est  vray  que  ceste  mesme  grace  nous  est  offerte  par  l'Evangile:  toutesfoys,  pource  qu'en  la  Cene  nous  en  avons  plus  ample  certitude  et  pleine  iouissance,  c'est  a  bon  droict  que  nous  recongnoissons  un  tel  fruict  nous  en  venir.  Mais  pource  que  les  biens  de  Iesus  Christ  ne  nous  appartieneut  do  rien,  sinon  que  premierement  il  soit  nostre,  il  fault  que  en  premier  lieu  il  nous  soit  donne  en  la  Cene,  a  ce  que  les  choses  que  nous  avons  dictes  soient  vrayment  acomplies  en  nous.  Pour  ceste  cause  i'ay  coustume  de  dire,  que  la  matiere  [pag.  14]  et  substance  des  Sacremens  c'est  le  Seigneur  Iesus:  l'efficace,  sont  les  graces  et  benedictions  que  nous  avons  par  son  moyen.  Or,  l'efficace  de  la  Cene  est  de  nous  confermer  la  reconciliation  que  nous  avons  avec  Dieu  par  sa  mort  et  passion:  le  lavement  de  noz  ames  que  nous  avons  en  l'effusion  de  son  sang:  la  iustice  que  nous  avons  en  son  obeissance:  brief,  l'esperance  de  salut  que  nous  avons  en  tout  ce  qu'il  a  faict  pour  nous.  Il  fault  doncq  que  la  substance  soit  conioincte  avec,  ou  aultrement  il  n'y  auroit  rien  de  ferme  ne  certain.  De  cela  nous  avons  a  conclure  que  deux  choses  nous  sont  presentees  en  la  Cene:  a  scavoir  Iesus  Christ,  comme  source  et  matiere  de  tout  bien:  puis  apres,  le  fruict  et  efficace  de  sa  mort  et  passion.  Ce  que  emportent  aussi  les  parolles  qui  nous  y  sont  dictes.  Car  en  nous  commandant  de  manger  son  corps  et  boire