9:436  quae  in  nostrorum  1)  libris  testimonia  reperient  lectores.  Uno  igitur  Augustini  contentus  ero:2)  Nisi  quandam  earum  rerum  quas  figurant  similitudinem  gererent  sacramenta,  earum  sacramenta  non  essent.  Secundum  hanc  similitudinem  panis  in  sacra  coena  quodammodo  corpus  Christi  est,  et  vinum-  quodammodo  sanguis.  Quum  modestia  prae  aliis  omnibus  excelluerit  sanctus  ille  vir,  minime  dubium  est,  ex  recepto  consensu  id  sumpsisse.  Quod  ergo  sinc  controversia  per  annos  mille  amplexi  sunt  omnes  fideles,  hodie  docemus.  Ubi  ergo  defectio,  cuius  nos  insimulat  Gabriel?  Imo  apertae  ab  ecclesia  defectionis  convincitur  papatus,  qui  detestandam  haeresin  ab  annis  quingentis  in  concilio  Vercellensi  natam  stulte  amplexus  obstinate  tuetur.  Quanquam  autem  ab  eo  tempore  servili  metu  tacuerunt  qui  mediocri  ingenio  praediti  erant,  colligitur  tamen  ex  eorum  dictis  nunquam  fuisse  persuasos.  Nec  enim  dissimulat  Scotus,8)  rationes  omnes  in  contrariam  partem  ducere,  nisi  obstaret  concilii  determinatio.  Thomas  vero  argutiis  elabitur,  quas  nemo  unquam  percepit.  Iam  de  palinodia  Berengarii,  quam  refert  Gratianus,  non  dubitat  dicere  Glossae  autor,  periculum  esse  ne  succedat  haeresis  deterior,  si  verba  [pag.  22]  sumantur  ut  sonant.4)  Quid?  Confessio  a  Romano  papa  dictata  deterrima  erit  haeresis,  nisi  mitigetur  asperitas?  En  quam  bonus  antiquarius  sit  Gabriel,  qui  hoc  titulo  apud  rerum  omnium  ignaros5)  sodales  se  venditat!  Ne  tamen  prudentia  vacuum  esse  credas,  allegoriae  pallio  se  involvit,  et  sub  umbra  turris  Babel  rei  cognitionem  occultat.  Nam  quod  locis  quibusdam  ab  Eccio  et  tota  illa  caterva  citatis  abutitur,  ut  transsubstantiationem  persuadeat,  nolo  refutando  rem  actam  agere.  Cavillatur  in  voce  una,  ac  si  aliud  esset  antiquis  scriptoribus  panis  mutatio  in  corpus,  quam  fieri  spiritualem  cibum  ex  quo  consecratus  est,  quum  ante  duntaxat  terrenum  et  corruptibile  ventris  alimentum  foret.  Concludit  Gabriel,  non  esse  ambigendum  quin  maneat  tantum  species  panis  absque  substantia  post  consecrationem.  Quum  innumeri  loci,  quorum  centesima  pars  fastidium  gigneret,  testentur  patres  non  aliter  sensisse  quam  remanere  panis  substantiam,  si  quam  veterum  paginam  gustasset,  venisset  in  mentem  celebre  illud  dictum  Irenaei:6)  Duas  res  esse  in  Christi  coena,  terrenam  et  coelestem.7)  Et  tu,  latrator,  doctrinae  nostrae  opponere  audebis  martyrum  sanguinem,  quem  adeo  proterve  calcas?  Ire-  1)  de  nos  peres.  2)  Epist.  23.  ad  Bonifacium.  3)  TEscot.  4)  Cap.  Ego  Berenga.  de  consecratione,  distinct.  2.  5)  qui  n'en  virent  iamais  un  fueillet,  ll  luy  seeroit  beaucoup  mieux  de  faire  sonner  Pantiquaille  aux  danses.  6)  Lib.  4.  cap.  33.  7)  Tune  terrestre  qui  est  le  pain,  ,1'autre  celeste  qui  est  Iesus  Christ.